پاکستان: موسمياتی تبديليوں کے باعث سیلابی ریلوں میں اضافہ

پاکستان کی وزیر برائے تحفظ ماحوليات شیری رحمان کا کہنا ہے کہ ہفتے کو گلگت بلتستان کے علاقے حسن آباد میں شدید گرمی کے باعث گلیشیئر کی ایک نہر کے پگھل جانے سے ایک پل تباہ ہو گیا تھا۔

موسمیاتی تبدیلیوں کے اثرات پر کام کرنے والی ایک تنظیم جرمن واچ کے مطابق پاکستان کو موسمیاتی تبدیلیوں کے شدید اثرات کا سامنا ہے۔ یہ جنوبی ایشائی ملک موسمیاتی تبدیلیوں سے سب سے زيادہ متاثرہ ملکوں کی فہرست میں آٹھویں نمبر پر ہے۔

موسم بہار میں گرمی کی لہر

پاکستان کو موسم بہار میں گرم موسم کا سامنا کرنا پڑ رہا ہے۔ ماہرین کے مطابق اس ہفتے کچھ علاقوں میں درجہ حرارت 50 ڈگری سینٹی گریڈ تک پہنچ سکتا ہے۔

پاکستان کے شمالی علاقوں میں گرمی کی اس لہر کے شدید اثرات نظر آ رہے ہیں۔ گرمی کے باعث گلیشیئرز پگھلتے جا رہے ہیں۔ یہ پانی 'گلیشیئل لیکس‘ بننے کا سبب بنتا ہے یا گلیشیئرز کی قریبی نہروں میں پانی کی سطح بڑھا دیتا ہے۔ اس کے باعث ان لہروں سے پانی سیلابی ریلوں کی صورت اختیار کر جاتا ہے۔ ایسے سیلابوں کے باعث مقامی آبادی تو متاثر ہوتی ہے لیکن اب وہاں آمد و رفت کے لیے انتہائی ضروری پل بھی تباہ ہو رہے ہیں۔

سوشل میڈیا پر شیئر کی جانے والی ویڈیوز میں دیکھا جا سکتا ہے کہ قراقرم ہائی وے جو پاکستان کو چین سے ملاتا ہے اس پر ایک پل کی بنیادیں پانی کے زور سے تباہ ہو رہی ہیں اور بالآخر پل گر جاتا ہے۔

پاکستان میں سات ہزار سے زیادہ گلیشیئرز ہیں جو پولر خطے کے بعد کسی ایک مقام پر سب سے زیادہ گلیشیئرز ہیں۔

پاکستان کی وفاقی وزیر برائے ماحوليات شیری رحمان کا کہنا ہے کہ ہمالیہ اور ہندو کش پہاڑی سلسلے میں گلیشیئرز تیزی سے پگھل رہے ہیں۔

شیری رحمان کے مطابق پاکستان کے علاقے گلگت بلتستان اور خیبر پختونخواہ میں تین ہزار گلیشئل لیکس بن گئی ہیں۔ یعنی یہ نہریں گلیشیئرز کے پگھلنے کے باعث بنی ہیں۔ ان تین ہزار میں سے 33 ایسی نہریں ہیں جو کسی بھی وقت سیلابی ریلے کی صورت اختیار کر سکتی ہیں۔ پاکستان کی وفاقی وزیر کے مطابق پاکستان میں گرمی کی لہر موسمیاتی تبدیلیوں کا براہ راست نتیجہ ہیں۔

واضح رہے کہ پاکستان کے کئی ایسے علاقے ہیں جہاں مومسیاتی تبدیلیوں کے باعث لوگوں کو نقل مکانی بھی کرنا پڑ رہی ہے۔

ب ج، ع س (اے ایف پی)