ہٹلر کی پینٹنگز، 42 ہزار یورو میں فروخت | فن و ثقافت | DW | 06.09.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

فن و ثقافت

ہٹلر کی پینٹنگز، 42 ہزار یورو میں فروخت

ہفتے کے روز اڈولف ہٹلرکے نوجوانی کے دور میں بنائی ہوئی تین واٹر کلر پینٹنگز مجموعی طور پر بیالیس ہزار یورو میں فروخت ہوئیں۔ جرمن صوبے باویریا کے شہر نیورنبرگ میں فروخت ہونے والی ان تصاویر پر ہٹلر کے دستخط ثبت ہیں۔

اس سے قبل بھی اڈولف ہٹلر کی بنائی ہوئی تصاویر کی نیلامی ہوتی رہی ہے

اس سے قبل بھی اڈولف ہٹلر کی بنائی ہوئی تصاویر کی نیلامی ہوتی رہی ہے

یہ پینٹنگز فروخت کرنے والے پیربیرٹ وائلڈلر کے مطابق یہ تینوں تصاویر تین مختلف افراد کو بیچی گئیں۔ خریدنے والے افراد نے ان تصاویر کی فروخت میں فون کے ذریعے بولی لگائی۔ اب تک ہٹلر کی بنائی ہوئی پینٹنگز کی اصل تعداد کسی کو معلوم نہیں تاہم ایک اندازے کے مطابق ان کی تعداد سات سو بیس کے قریب بتائی جاتی ہے۔ ان تصاویر میں واٹر کلر پینٹنگز کے علاوہ سادہ اسکیچ بھی شامل ہیں۔

Versteigerung von Hitler-Bildern in London

اب تک ہٹلر کی بنائی ہوئی پینٹنگز کی اصل تعداد کسی کو معلوم نہیں

تصاویر بیچنے والے جرمن شہری وائلڈلر کے مطابق ان تصاویر کی خریداری میں بہت سے افراد نے دلچسپی کا اظہار کیا تھا۔ انہوں نے کہا:’’خریداری میں دانشوروں، تاجروں حتیٰ کے عام افراد نے بھی دلچسپی ظاہر کی تھی۔ شائد اُن افراد نے اِن تاریخی تصاویر کے لئے پیسے بچا رکھے ہوں‘‘

اطلاعات کے مطابق فروخت کی گئیں تصاویر نازی تحریک کے نمایاں سربراہ اور جرمن آمر اڈولف ہٹلر نے 1910ء سے 1911 ء کے درمیان آسٹریا کے شہر ویانا میں تخلیق کی تھیں۔ ہٹلر کو مصوربننے کا بہت شوق تھا، اسی لئے انہوں نے ویانا کے ایک اسکول میں مصوری کے شعبے میں داخلے کی کوشش کی تھی مگر وہ اس میں کامیاب نہیں ہو پائے تھے۔

ماضی میں بھی جرمنی سمیت دیگر ممالک میں ہٹلر کی بنائی ہوئی بہت سی تصاویر کی اس طرح کی نیلامی ہو چکی ہے۔

ہفتے کے روز نیلام کی جانے والے یہ تین واٹر کلر پینٹنگز میں قدرتی مناظر کی تصویر کشی کی گئی ہے۔ ان میں سے ایک تصویر 24 ہزار یورو میں فروخت ہوئی، دوسری تصویر کے لئے سب سے بڑی بولی گیارہ ہزار یورو لگائی گئی اور تیسری تصویر کو سات ہزار یورو میں خریدا گیا۔

رپورٹ : عاطف توقیر

ادارت : عاطف بلوچ

ملتے جلتے مندرجات