تھائی لینڈ کے دارالحکومت بنکاک سے ملنے والی رپورٹوں کے مطابق ایک امریکی شہری نے اس ملک کے ایک تعطیلاتی جزیرے پر کچھ عرصہ چھٹیاں گزاریں اور پھر 'ٹرپ ایڈوائزر‘ نامی ویب سائٹ پر اس ہالیڈے ریزورٹ کے بارے میں منفی رائے لکھ دی۔ اس کا نتیجہ یہ کہ اب اس امریکی شہری کے خلاف مقدمہ دائر کیا جا چکا ہے اور قصور وار ثابت ہونے پر انہیں دو سال تک کی سزائے قید بھی سنائی جا سکتی ہے۔
تھائی لینڈ کی قومی معیشت میں سیاحت اور اس سے ہونے والی آمدنی ریڑھ کی ہڈی کی حیثیت رکھتی ہیں لیکن کورونا وائرس کی عالمی وبا کے باعث اس جنوب مشرقی ایشیائی ملک میں سیاحتی شعبہ گزشتہ کئی ماہ سے پوری طرح مفلوج ہے۔
تھائی جزیرے کوہ چانگ پر تعطیلات
تھائی لینڈ کا جزیرہ کوہ چانگ اپنے ریتلے ساحلوں اور سبز رنگ کے پانیوں کے لیے دنیا بھر میں مشہور ہے۔ حال ہی میں ایک امریکی سیاح ویسلے بارنز نے اس جزیرے کی 'سی ویو ریزورٹ‘ میں اپنے لیے ایک تعطیلاتی پیکج بک کرایا۔ اپنے قیام کے بعد انہوں نے TripAdvisor نامی ویب سائٹ پر اس ریزورٹ کے بارے میں جو آن لائن رائے لکھی، اس پر اس ریزورٹ کی انتظامیہ شدید ناراض ہوئی۔
ویسلے بارنز تھائی لینڈ ہی میں کام کرتے ہیں۔ ان کی طرف سے بہت منفی رائے دیے جانے کے بعد سی ویو ریزورٹ کی انتظامیہ نے ان کے خلاف مقدمہ درج کرا دیا۔ الزام یہ لگایا گیا کہ اس امریکی شہری نے اس ریزورٹ کی ساکھ کو نقصان پہنچانے کی کوشش کی ہے، ان کے تنقیدی تبصرے انتہائی غیر منصفانہ اور جانبدارانہ تھے اور وہ تو ایک سے زائد مرتبہ ہوٹل کے ملازمین سے لڑ بھی پڑے تھے۔
-
اسے کہتے ہیں بڑا کھیل، ہاتھیوں کی پولو
گھوڑوں کی طرح لیکن سست پولو
ہاتھیوں کی پولو بھی بالکل گھوڑوں کی پولو کی طرح کھیلی جاتی ہے۔ سفید بال کو حریف ٹیم کے گول تک لانا ہوتا ہے۔ گھوڑوں کی پولو کے برعکس اس میں میدان چھوٹا، ہاکیاں لمبی اور کھیل کا دورانیہ کم ہوتا ہے۔
-
اسے کہتے ہیں بڑا کھیل، ہاتھیوں کی پولو
20 ہاتھی، 40 کھلاڑی
ٹورنامنٹ میں بیس ہاتھی حصہ لیتے ہیں اور یہ سبھی مادہ ہاتھی ہوتے ہیں۔ ان کی تربیت خاص طور پر اس کھیل کے لیے کی جاتی ہے۔ سیاحتی مقامات پر بھی یہی ہاتھی استعمال کیے جاتے ہیں۔ ہر ہاتھی کے اوپر دو کھلاڑی سوار ہوتے ہیں۔
-
اسے کہتے ہیں بڑا کھیل، ہاتھیوں کی پولو
ہاکی کے لیے ایک یا دو ہاتھ؟
یہ پولو خواتین اور مرد دونوں ہی کھیل سکتے ہیں۔ خواتین کو دو سے تین میٹر لمبی ہاکی اور دونوں ہاتھ استعمال کرنے کی اجازت ہے۔ اس کے برعکس مرد کھلاڑی صرف ایک ہاتھ استعمال کر سکتے ہیں۔ ایک میچ سات سات منٹ کے دو حصوں پر مشتمل ہوتا ہے۔
-
اسے کہتے ہیں بڑا کھیل، ہاتھیوں کی پولو
اس کھیل کا خیال کِسے آیا؟
اس کھیل کا خیال 1981ء میں سوئٹزر لینڈ کے شوٹے جیمز اور بریٹے جِم ایڈروڈ کو اس وقت آیا، جب وہ سوئٹزرلینڈ کے شہر زانکٹ مورٹیس میں ایک ساتھ بیٹھے ہوئے تھے۔ ایڈروڈ کا نیپال میں ایک ہوٹل ہے اور جیمز پولو کے کھلاڑی ہیں۔ اس کے ایک سال بعد ’ورلڈ ایلیفینٹ پولو ایسوسی ایشن‘ کی بنیاد رکھی گئی۔
-
اسے کہتے ہیں بڑا کھیل، ہاتھیوں کی پولو
متنازعہ کھیل
جانوروں کے حقوق کے لیے سرگرم تنظیمیں اس کھیل کو تنقید کا نشانہ بناتی ہیں۔ ان کے مطابق ہاتھی اس کھیل کے لیے غیرموزوں ہیں۔ رواں برس بھی اس بات پر احتجاج کیا گیا تھا کہ ہاتھیوں کو لاٹھیوں سے مارا گیا ہے۔ ہاتھیوں پر تشدد کی ایک ویڈیو بھی منظر عام پر لائی گئی تھی۔
-
اسے کہتے ہیں بڑا کھیل، ہاتھیوں کی پولو
کھیل کے بعد بھوک
ہرمیچ کے آغاز اور اختتام پر ہاتھیوں کو ان کا پسندیدہ کھانا کھلایا جاتا ہے۔ ہاتھی انناس، پپیتہ، کیلا، گنے اور نمک کے ساتھ چاول شوق سے کھاتے ہیں۔ تھائی لینڈ میں تقریبا چار ہزار جنگلی ہاتھی موجود ہیں جبکہ پالتو ہاتھیوں کی تعداد تقریبا چار ہزار سات سو ہے۔
-
اسے کہتے ہیں بڑا کھیل، ہاتھیوں کی پولو
ہاتھیوں کو لاحق خطرات
جنگلی ہاتھیوں کی تعداد میں وقت کے ساتھ ساتھ کمی ہوتی جا رہی ہے۔ وجہ یہ ہے کہ لکڑی کے حصول کے لیے درخت کاٹے جا رہے ہیں اور ان کا قدرتی ماحول سکڑتا جا رہا ہے۔
مصنف: امتیاز احمد (آرنڈ ریکمان)
عدالتی فیصلے تک ملزم کی ضمانت پر رہائی
امریکی شہری ویسلے بارنز کے خلاف قانونی شکایت کے بعد جزیرے کوہ چانگ کی پولیس کے سربراہ کرنل تھاناپون تائمسارا نے بتایا، ''ویسلے بارنز کو اس جزیرے سے رخصتی کے بعد تھائی امیگریشن حکام نے گرفتار کر کے واپس اس جزیرے پر پہنچا دیا، جہاں ان کے خلاف مقدمہ درج ہو چکا ہے۔ انہیں کچھ دیر کے لیے حراست میں رکھا گیا، مگر پھر ضمانت پر رہا کر دیا گیا۔‘‘
اب ویسلے بارنز کو عدالتی کارروائی مکمل ہونے کا انتظار کرنا ہے۔ اگر انہیں دانستہ طور پر سی ویو ریزورٹ کی ساکھ کو نقصان پہنچانے کی کوشش کا مرتکب پایا گیا، تو انہیں دو سال تک قید کی سزا سنائی جا سکتی ہے۔
سزائے قید کے علاوہ انہیں دو لاکھ تھائی بھات جرمانہ بھی کیا جا سکتا ہے، جو تقریباﹰ ساڑھے چھ ہزار امریکی ڈالر کے برابر بنتا ہے۔
تھائی لینڈ میں کسی شخص یا ادارے کو بدنام کرنے کے دانستہ کوشش کے خلاف مروجہ قوانین انتہائی سخت ہیں۔ یہ قوانین اتنے سخت ہیں کہ بہت سی تنظیموں کے مطابق ان کی آڑ میں انسانی حقوق کی خلاف ورزیاں بھی کی جاتی ہیں اور آزادی صحافت کی درپردہ نفی بھی۔
م م / ش ح (اے ایف پی، اے پی)
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
سونڈ سے پانی چھڑکتے ہاتھی
تھائی لینڈ کے صوبے آیوتھیہ میں سالانہ ’شُونگ کران واٹر فیسٹیول‘ کا آغاز خوبصورت رنگوں سے سجے ہاتھیوں نے سیاحوں پر اپنی سونڈ سے پانی چھڑک کر کیا۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
جنوبی کوریا میں گوتم بدھ کی سالگرہ
گوتم بدھ کی سالگرہ کی تقریبات سے کچھ پہلے جنوبی کوریا کے دارالحکومت سئیول کے ایک مندر میں ایک شخص اپنے نام کے کارڈ کے ساتھ اپنی دعا ایک روایتی ’لوٹس لالٹین‘ کے ساتھ باندھ رہا ہے۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
نیپال میں موت کا کنواں
نیپالی نئے سال کی تقریبات کے موقع پر ایک کرتب دکھانے والا نیپال کے شہر بھکتا پور میں سجے ایک میلے کے دوران موت کے کنویں میں موٹر سائیکل چلا رہا ہے۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
ہنگری کی حسینائیں اور پانی کی بالٹیاں
ہنگری کے علاقے سینا میں مرد، نوجوان لڑکیوں پر پانی پھینک رہے ہیں۔ یہ یہاں روایتی ایسٹر کی رسومات کا ایک حصہ ہے۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
ساحل سمندر پر مصلوب
میکسیکو میں کَنکون کے ساحل پر ہر سال ایسٹر کے ’گڈ فرائیڈے‘ کے موقع پر یسوع مسیح کے مصلوب ہونے کی یاد میں اِس عمل کا سوانگ بھرا جاتا ہے۔ یہ بھی یہاں ایسٹر کی روایتی رسومات میں سے ایک رسم ہے۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
اسپین میں رومن ٹانگیں
شمالی اسپین کے علاقے بالمیسیدا کے گاؤں باسک میں مقامی لوگ ایسٹر کے موقع پر ’وِیا کروسِس‘ کے عمل کو دوبارہ پیش کرتے ہوئے رومن فوجیوں جیسا بھیس بدلتے ہیں۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
فرانس میں مارچوب کی سدا بہار بوٹی
مشرقی فرانس کے علاقے ڈوپِگ ہائیم میں ایک بائیولوجیکل فیلڈ میں مارچوب کی بوٹی زمین سے باہر جھانک رہی ہے، یعنی یہ اب کاشت کے لیے تیار ہے۔ مارچوب کو سبزی کے طور پر بھی استعمال کیا جاتا ہے۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
بھارت میں آموں پر آرام
تھکی ہاری بھارتی مزدور خواتین بھارت کے شہر حیدر آباد کے مضافات میں ایک فروٹ منڈی میں ٹرکوں سے آم اتارنے کے بعد انہی پر لیٹ کر آرام کر رہی ہیں۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
کیچڑ میں مزا
شمالی آئر لینڈ کے پورٹاڈاؤن کے علاقے میں ریس میں حصہ لینے والے ایک گروپ نے مستی میں کیچڑ سے بھرے ایک گڑھے میں چھلانگ لگا دی۔ اس ریس کے شرکاء کو پچیس رکاوٹیں عبور کرنا پڑتی ہیں۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
شمالی کوریا کے فوجی افسر
تصویر میں نظر آنے والے فوجی افسران معمول سے زیادہ سنجیدہ دکھائی دے رہے ہیں۔ دراصل یہ افسر شمالی کوریا کے بانی کم اِل سنگ کی 105ویں سالگرہ سے ایک دن قبل اُن کی جائے پیدائش کا دورہ کر رہے تھے۔
-
ہاتھیوں کا سونڈ سے چھڑکاؤ اچھا یا آموں پر آرام کرتی عورتیں؟
ڈبلن میں آئرش رقص
آئرلینڈ کے دارالحکومت ڈبلن میں ایک رقاصہ ڈانس کے عالمی مقابلے سے پہلے اسٹیج کے پیچھے ریہرسل کر رہی ہے۔
مصنف: صائمہ حیدر
