کیا ’گڈ کولیسٹرول‘ دل کے لیے اچھا ہے ؟ | صحت | DW | 05.07.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

صحت

کیا ’گڈ کولیسٹرول‘ دل کے لیے اچھا ہے ؟

جسم میں دو طرح کے کولیسٹرول کو ماپا جاتا ہے، ’گڈ یا اچھا کولیسٹرول‘  ایچ ڈی ایل کہلاتا ہے اور  ’بیڈ‘ یا برے کولیسٹرول کو  ایل ڈی ایل بھی کہتے ہیں۔

ایچ ڈی ایل کولیسٹرول کو ہمیشہ سے جسم کے خلیوں اور خلیوں کے نظام کا اہم جز تصور کیا جاتا رہا ہے۔ لیکن جاپان میں کی جانی والی ایک حالیہ تحقیق کےمطابق ’گڈ کولیسٹرول‘ بھی دل کی بیماریوں کا باعث بن سکتا ہے، لیکن صرف اس صورت میں جب ایچ ڈی ایل جسم میں بہت زیادہ بڑھ جائے۔

  اس حوالے سے  43 ہزار افراد کو جن کی عمر 40 سے 89 سال تھی، بارہ سال تک ایک تحقیق کا حصہ بنایا گیا۔ اس ریسرچ سے معلوم ہوا ہےکہ جن افراد میں ایچ ڈی ایل کولیسٹرول  mg/dl90  سے زیادہ ہے ان میں دل کی بیماری سے ہلاک ہوجانے کا خطرہ ان افراد سے 2.4 مرتبہ زیادہ ہے جن کا ایچ ڈی ایل 40 سے 59 mg/dl تھا۔

محققین کا یہ بھی کہنا ہے کہ ایچ ڈی ایل کولیسٹرول کا زیادہ ہونا خاص طور پر ان افراد کے لیے نقصان دہ ہے جو شراب نوشی کرتے ہیں۔

DW.COM