چيمپئنز ليگ: چيلسی سيمی فائنل سے ايک قدم دور | کھیل | DW | 28.03.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

کھیل

چيمپئنز ليگ: چيلسی سيمی فائنل سے ايک قدم دور

گزشتہ روز کھيلے جانے والے چيمپئنز ليگ کے کواٹر فائنل مقابلوں کے پہلے مرحلے ميں برطانوی فٹبال کلب چيلسی اور ہسپانوی کلب ریئل میڈرڈ فاتح رہے۔

پرتگال کے شہر لزبن ميں کھيلے جانے والے ميچ ميں چيلسی نے بينفيکا کو ايک کے مقابلے ميں صفر گول سے شکست دے دی۔ اس فتح کے بعد چيلسی کے چيمپئنز ليگ کے سيمی فائنل تک پہنچنے کے امکانات روشن نظر آتے ہيں۔ چيلسی کے ليے اس ميچ کا واحد گول سولومن کلو نے ميچ کے پچھترويں منٹ ميں کيا۔ ميچ کے ليے چيلسی کے کوچ Roberto Di Matteo نے متعدد نامی گرامی اور تجربہ کار کھلاڑيوں کو ٹيم سے خارج کر ديا تھا اور ان کہنا تھا کہ وہ ان کھلاڑيوں کو اپنی ’روٹيشن پاليسی‘ کے تحت ٹيم سے خارج کر رہے ہيں۔ اطالوی کوچ نے مزيد کہا، ’ميں ٹيم ميں شامل تمام کھلاڑيوں کو موقع دے رہا ہوں تاکہ سيزن کے اختتام تک تمام کھلاڑی تيار ہوں‘۔

ريئل ميڈرڈ کی ٹيم APOEL Nicosia کے خلاف تين، صفر سے فاتح رہی

ريئل ميڈرڈ کی ٹيم APOEL Nicosia کے خلاف تين، صفر سے فاتح رہی

دوسری جانب اسپين سے تعلق رکھنے والی ريئل ميڈرڈ کی ٹيم بھی APOEL Nicosia کے خلاف تين، صفر سے فاتح رہی۔ يہ ميچ قبرص کے دارالحکومت نکوسيا کے جی ايس پی اسٹيڈيم ميں کھيلا گيا اور ميں ہسپانوی ٹيم کے ليے فرانسيسی کھلاڑی کريم بين زيما نے دو، جبکہ برازيل کے کاکا نے ايک گول اسکور کيا۔

چيمپئنز ليگ فٹبال ميں آج جرمنی سے تعلق رکھنے والی بائرن ميونخ فرانسيسی ٹيم مارسے کے خلاف ميدان ميں اترے گی جبکہ موجودہ چيمپئن اسپين سے تعلق رکھنے والی بارسلونا کی ٹيم کا مقابلہ اطالوی کلب اے سی ملان سے ہوگا۔

اس سال چيمپئنز ليگ کا فائنل جرمنی کے شہر ميونخ ميں Allianz Arena میں انيس مئی کو کھيلا جائے گا۔

رپورٹ: عاصم سليم

ادارت: عدنان اسحاق

اشتہار