پرنس ہيری آئندہ برس شادی کر لیں گے | معاشرہ | DW | 27.11.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

معاشرہ

پرنس ہيری آئندہ برس شادی کر لیں گے

برطانوی شہزادہ ہيری اپنی منگيتر اور محبوبہ ميگن مارکل سے آئندہ برس شادی کريں گے۔ دونوں کی منگنی اسی ماہ ہوئی تھی جس کے بارے ميں اعلان پیر کے دن کيا گيا۔ برطانوی ملکہ نے بھی اس خبر پر مسرت کا اظہار کيا ہے۔

برطانوی شہزادے ہيری نے امريکی اداکارہ ميگن مارکل سے منگنی کر لی ہے اور ان دونوں کی شادی آئندہ برس موسم بہار ميں متوقع ہے۔ اس بارے ميں اعلان تينتيس سالہ ہيری کے والد پرنس چارلس نے  ستائیس نومبر بروز پیر برطانوی دارالحکومت لندن ميں کيا۔

برطانوی شہزادہ ہیری پریس پر برہم

برطانوی ملکہ کے ’محبت نامے کی طرح کے خط‘ کی نیلامی

برطانوی ملکہ الزبتھ کی پڑپوتی کی ولادت

شہزادہ ہيری برطانيہ کے بادشاہ بننے کی فہرست ميں پانچويں نمبر پر ہيں جبکہ مارکل امريکی ٹيلی وژن سيريز ’سوٹس‘ ميں اپنے منفرد کام کی وجہ سے معروف ہيں۔ بتایا گیا ہے کہ ان دونوں نے اسی ماہ منگنی کی۔

پرنس چارلس کی سرکاری رہائش گاہ ’کلارنس ہاؤس‘ سے جاری کردہ بيان ميں کہا گيا ہے کہ شہزادہ ہيری نے ملکہ اور ديگر قريبی اہل خانہ کو اس بارے ميں مطلع کر ديا ہے اور اس سلسلے ميں اپنی ہونے والی اہليہ کے اہل خانہ سے بھی اجازت لے لی ہے۔ بیکنگہم پيلس کے ترجمان نے بھی کہا ہے کہ ايڈنبرا کے ڈيوک اور ملکہ برطانيہ اس پيش رفت پر کافی خوش ہيں۔

شہزادہ ہيری اور چھتيس سالہ ميگن مارکل گزشتہ برس جولائی ميں پہلی مرتبہ ملے تھے۔ اس کے کچھ ہی ماہ بعد شہزادے نے مارکل کے ليے اپنی محبت کا اظہار کر ديا تھا اور اس بارے ميں خبريں ذرائع ابلاغ کا مرکز بنی رہيں۔

ویڈیو دیکھیے 00:51
Now live
00:51 منٹ

برطانوی شاہی جوڑا ولیم اور کیٹ جرمنی کے پہلے دورے پر

آئندہ برس موسم بہار ميں ان دونوں کی شادی متوقع ہے اور ابھی سے امکان ظاہر کيا جا رہا ہے کہ یہ ايک انتہائی مہنگی شادی ہو گی۔ ايک اندازے کے مطابق ٹيلی وژن پر اور آن لائن تقريباً ڈھائی بلين افراد اس شادی کی تقریب کو براہ راست ديکھيں گے۔

DW.COM

Audios and videos on the topic

اشتہار