لگژری کاروں میں دنیا کا ٹاپ برانڈ، مرسیڈیز کا نیا ریکارڈ | حالات حاضرہ | DW | 08.01.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

حالات حاضرہ

لگژری کاروں میں دنیا کا ٹاپ برانڈ، مرسیڈیز کا نیا ریکارڈ

جرمن کار ساز ادارے ڈائملر نے گزشتہ برس عالمی سطح پر نئی مرسیڈیز گاڑیوں کی فروخت کا ایک نیا ریکارڈ قائم کر دیا۔ یوں یہ کمپنی لگژری کاریں بنانے والے ایک ادارے کے طور پر اپنی ’گلوبل لیڈرشپ‘ کا دفاع کرنے میں کامیاب رہی۔

وفاقی جرمن دارالحکومت برلن سے پیر آٹھ جنوری کو موصولہ نیوز ایجنسی ڈی پی اے کی رپورٹوں کے مطابق مرسیڈیز گاڑیاں تیار کرنے والے ملکی ادارے ڈائملر کی طرف سے بتایا گیا کہ 2017ء میں اس ادارے نے دنیا بھر میں اپنی نئی گاڑیوں کی فروخت کا ایک نیا ریکارڈ قائم کر دیا۔

Symbolbild Mercedes Daimler

مرسیڈیز کا لوگو، مرسیڈیز سٹار

ہٹلر کی مرسیڈیز گاڑی کی امریکا میں نیلامی

یورپی ہائی ویز: الیکٹرک کاروں کے چارجنگ اسٹیشن، آغاز اسی سال

ڈائملر کے صدر دفاتر جنوبی جرمن شہر اشٹٹ گارٹ میں ہیں اور مرسیڈیز بینز اس ادارے کا مشہور ترین برانڈ ہے۔ پچھلے سال اس کمپنی کی لگژری کاروں کی عالمی سطح پر فروخت میں جو ریکارڈ اضافہ دیکھا گیا، اس کی ایک بڑی وجہ چینی منڈی میں ان گاڑیوں کی طلب میں غیر معمولی اضافہ بھی تھا۔

ڈائملر کے چیف ایگزیکٹو ڈیٹر سَیچے نے بتایا کہ گزشتہ برس اس کمپنی نے اپنی مجموعی طور پر قریب 2.3 ملین گاڑیاں فروخت کیں، اور یہ تعداد 2016ء کے مقابلے میں قریب 10 فیصد زیادہ تھی۔ اس طرح پچھلا سال اس جرمن ادارے کے لیے ایسا مسلسل ساتواں سال تھا کہ ڈائملر نے اپنی پیداوار اور کاروبا ر میں واضح ترقی کی منزل حاصل کر لی۔

Daimler AG - Mercedes Benz - Konzern in Sindelfingen

گزشتہ سات برسوں سے عالمی سطح پر مسلسل ترقی کا نیا ریکارڈ

ڈیٹر سَیچے نے کہا، ’’ہماری کمپنی کا کلیدی برانڈ مرسیڈیز بینز ہے اور 2017ء میں ایک بار پھر مرسیڈیز دنیا بھر میں سب سے زیادہ فروخت ہونے والا پریمیم برانڈ رہا۔‘‘ انہوں نے کہا کہ کاروباری ترقی کی یہ شرح اتنی اچھی رہی کہ گزشتہ برس نومبر کے مقابلے میں دسمبر میں مرسیڈیز گاڑیوں کی فروخت میں مزید 1.7 فیصد کا اضافہ ہوا اور یہ تعداد 193,534 رہی۔

Dieter Zetsche, Vorstandsvorsitzender CEO Daimler AG gut gelaunt

ڈائملر بینز کے سربراہ ڈیٹر سَیچے

صرف تین ماہ میں گاڑیوں کی فروخت سے 39 ارب یورو آمدنی

مستقبل کی ’بغیر ڈرائیور‘ کار

جرمن کمپنی مرسیڈیز کو نو بلین یورو منافع، ورکرز کے لیے بونس

ڈائملر کے سربراہ سَیچے نے صحافیوں کو بتایا، ’’ایک جرمن کمپنی کے طور پر ڈائملر آج بھی لگژری کاروں کی تیاری اور فروخت میں عالمی سطح کا ٹاپ برانڈ ہے اور ہم اپنی اس پوزیشن کا آئندہ مزید مضبوط بنائیں گے۔‘‘

ماہرین کے نزدیک یہ مزید ترقی اس لیے بھی ممکن ہے کہ بین الاقوامی سطح پر مرسیڈیز گاڑیوں کے ای کلاس اور ایس یو وی ماڈلز کی طلب میں ابھی تک غیر معمولی اضافہ دیکھنے میں آ رہا ہے۔

آبادی کے لحاظ سے دنیا کے سب سے بڑے ملک چین کے بارے میں یہ بات بھی اہم ہے کہ یہ ایشیائی ریاست عالمی سطح پر موٹر گاڑیوں کی سب سے بڑی قومی منڈی ہے۔2017ء چین میں مرسیڈیز گاڑیوں کی فروخت کے لحاظ سے بھی ایک ریکارڈ سال رہا، جب وہاں 2016ء کے مقابلے میں 26 فیصد زیادہ مرسیڈیز کاریں فروخت کی گئیں۔ اسی طرح 2017ء یورپ میں بھی مرسیڈیز گاڑیوں کی فروخت کے حوالے سے ایک نیا ریکارڈ سال ثابت ہوا۔

DW.COM