′قومی سطح پر ماحولیاتی اتفاق رائے کی ضرورت ہے‘ | سائنس اور ماحول | DW | 08.07.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

سائنس اور ماحول

'قومی سطح پر ماحولیاتی اتفاق رائے کی ضرورت ہے‘

جرمن چانسلر انگیلا میرکل کی جماعت کرسچن ڈیموکریٹک یونین (سی ایس یو) کے اہم رہنما چاہتے ہیں کہ وفاقی پارلیمان میں موجود جماعتیں تحفظ ماحول کے موضوع پر کسی اتفاق رائے پر پہنچیں۔

سی ایس یو  کی سربراہ آنے گریٹ کرامپ کارین باؤر نے جرمن پارلیمان میں موجود تمام جماعتوں سے ایسے اقدامات پر متفق ہونے کا مطالبہ کیا ہے، جن پر عمل کرتے ہوئے 2030ء تک ضرر رساں گیسوں کے اخراج میں کمی کی جا سکے۔ کرامپ کارین باؤور نے یہ بیان جرمن نشریاتی ادارے ( زیڈ ڈی ایف) کو موسم گرما کے اپنے پہلے انٹرویو کے دوران دیا۔

ماحولیاتی تبدیلیوں کے موضوع پر جرمن سیاسی جماعتوں اور حکومت میں اختلافات پائے جاتے ہیں۔ جرمنی کی مخلوط حکومت چانسلر میرکل کی قدامت پسند کرسچن ڈیموکریٹک پارٹی، صوبہ باویریا میں ان کی ہم خیال جماعت کرسچن سوشل یونین اور سوشل ڈیموکریکٹ پارٹی پر مشتمل ہے۔

کارین باؤر کے مطابق، ''ہمیں ماحولیات کے معاملے میں قومی سطح پر اتفاق رائے کی ضرورت ہے‘‘۔ انہوں نے مزید کہا کہ جب رکن پارلیمان گرمیوں کی چھٹیوں کے بعد واپس آئیں گے، تو وہ مختلف جماعتوں سے رابطے کریں گی تا کہ کسی متفقہ نتیجے پر پہنچا جا سکے۔

ابھی اس معاملے میں سوشل ڈیموکریٹ وزیر برائے ماحولیات سوینیا شُلسے نے ضرر رساں گیسوں کے اخراج کو کم کرنے کے لیے ایک منظم منصوبے اور اس پر فیس لگانے کی تجویز پیش کی تھی۔ تاہم سی ڈی یو اور سی ایس یو کے ساتھ ساتھ حزب اختلاف کی فری ڈیموکریٹک پارٹی کے چند ارکان نے بھی اس تجویز کی مخالفت کی تھی۔

سی ڈی یو کی خاتون سربراہ نے تاہم اپنے انٹرویو میں اس منصوبے پر کوئی تبصرہ نہیں کیا۔ساتھ ہی یہ بھی کہا کہ سوشل ڈیموکریٹس کو چاہیے کہ وہ سی ڈی یو سے تعلق رکھنے والی وزیر دفاع ارزولا فان ڈیئر لائن کی بطور یورپی کمیشن کے صدر نامزدگی کی حمایت کریں۔

ع، ا / ب،ج

ویڈیو دیکھیے 02:04

’اب آپ کی پوسٹ آلودگی سے پاک‘

DW.COM

Audios and videos on the topic

ملتے جلتے مندرجات