فرانکو کی باقیات کو منتقل کر دیا جائے گا | حالات حاضرہ | DW | 21.10.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

حالات حاضرہ

فرانکو کی باقیات کو منتقل کر دیا جائے گا

ہسپانوی سپریم کورٹ کے حکم پر سابق ڈکٹیٹر فرانکو کی نعش کو کسی دوسرے مقام پر منتقل کرنے کا فیصلہ کر لیا گیا ہے۔ اس وقت انتہائی دائیں بازو کے سابق ڈکٹیٹر کی نعش ایک قومی یادگار میں واقع مزار میں دفن ہے۔

ہسپانوی سپریم کورٹ نے گزشتہ ماہ فیصلہ دیا تھا کہ ملک کے سابق آمر فرانسسکو فرانکو کی نعش کو نکال کر کسی اور مقام پر منتقل کر دیا جائے۔ اب میڈرڈ حکومت نے اعلیٰ ترین عدالت کے فیصلے پر عمل درآمد کا فیصلہ کیا ہے۔ حکومتی اعلان کے مطابق فرانکو کی باقیات کو قومی یادگار کے مقام پر واقع مزار میں سے چوبیس اکتوبر نکال لیا جائے گا۔

اس وقت فرانکو کا مزار وادیٴ فیان (Valley of the Fallen) میں واقع ہے۔ اس مقام پر ایک قومی یادگار تعمیر کی گئی تھی اور اسی میں بنائے گئے ایک مزار میں فرانکو کو دفن کیا گیا تھا۔ اس مقام سے فرانکو کی باقیات کو نکال کر ایک ہیلی کاپٹر کے ذریعے خاموشی کے ساتھ کسی غیر معروف مقام پر دفن کر دیا جائے گا۔

ہسپانوی حکومت کے وزیر انصاف ڈولوریس ڈیلگاڈو کے مطابق فرانکو کی باقیات کی دوبارہ تدفین کے موقع پر صرف قریبی رشتہ داروں کو بلانے کا فیصلہ کیا گیا ہے۔ ڈیلگاڈو بھی تدفین کے موقع پر موجود ہوں گے اور وہ باقیات کی دوبارہ تدفین کی تصدیق اپنے منصب یعنی حکومت کے نوٹری کمیشنز کے طور پر کریں گے۔

Francisco Franco (AP)

فرانکو اسپین میں سن 1939 سے لے کر سن 1975 تک برسراقتدار رہے تھے

اس تدفین کے بعد سے اُس قدیمی مطالبے کا خاتمہ ہو جائے گا جو اُن ہسپانوی لوگوں نے کر رکھا، جن کے رشتہ دار فرانکو کے دور میں حکومتی جبر کا نشانہ بنے تھے۔ انہی لوگوں نے سپریم کورٹ میں درخواست دائر کر رکھی تھی کہ فرانکو کے مزار کو ختم کیا جائے اور اُن کی باقیات کو کسی نامعلوم مقام پر دفن کیا جائے جیسے اُن کے لواحقین نامعلوم مقامات پر دفن کیے گئے تھے۔

اس عدالتی کارروائی میں ڈکٹیٹر فرانکو کا خاندان فریق تھا اور ان کا موقف تھا کہ نعش کو قومی یادگار میں ہی دفن رکھا جائے یا پھر اسے دارالحکومت میڈرڈ کے الموڈینا کیتھڈرل میں واقع خاندانی قبرستان میں دفن کرنے کی اجازت دی جائے۔ سپریم کورٹ میں یہ دونوں موقف تسلیم نہیں کیے گئے۔

فرانکو کے مزار کے مقام کا انتخاب ہسپانوی خانہ جنگی کے دوران مارے جانے والے فوجیوں کی یادگار میں کیا گیا تھا۔ اب موجودہ سوشلسٹ حکومت نے فرانکو کے مزار کی قومی یاد گار کو مفاہمت کے ملکی ادارے میں تبدیل کرنے کا فیصلہ کیا ہے۔ فرانکو اسپین میں سن 1939 سے لے کر سن 1975 تک برسراقتدار رہے تھے۔

ع ح/ ش ح (اے ایف پی، ڈی پی اے)

ویڈیو دیکھیے 04:01

گیمز آف تھرونز کے حسین مقامات

DW.COM

Audios and videos on the topic