سلمان خان نے اپنی شادی کی تاریخ کا اعلان کر دیا | فن و ثقافت | DW | 18.07.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

فن و ثقافت

سلمان خان نے اپنی شادی کی تاریخ کا اعلان کر دیا

بولی ووڈ کے میگا اسٹار سلمان خان نے ٹینس پلئیر ثانیہ مرزا کی سوانح حیات کے اجراء کے موقع پر اعلان کیا ہے کہ وہ 18 نومبر کو شادی کریں گے۔

ثانیہ مرزا نے اس تقریب کے موقع پر سپر سٹار سے پوچھا کے وہ اپنی شادی کی تاریخ کا اعلان کب کریں گے، ابھی سلمان خان جواب دینے ہی والے تھے کہ ثانیہ مرزا نے ان کو 18 نومبر کو شادی کرنے کا مشورہ دیا۔

سلمان خان نے کہا کہ وہ 18 نومبر کو شادی کریں گے لیکن وہ ابھی یہ نہیں بتا سکتے کہ وہ 18 نومبر کس سال کی ہوگی۔ سلمان خان کے والد اور والدہ اور ان کی بہن کی شادی بھی 18 نومبر کو ہوئی تھی۔

سلمان خان نے کہا کہ ان پر ان کی والدہ اور بہنوں کی جناب سے شادی جلد کرنے کا بہت دباؤ ہے۔

50 سالہ اداکارسلمان خان نے کہا کہ وہ اپنے خاندان کے بغیر نامکمل ہیں۔ انہوں نے کہا،’’سہیل خان، ارباز، ارپیتا، الویرا، سلیم اور سلمیٰ کے بغیر سلمان خان نامکمل ہے۔‘‘

سپر ہٹ فلم ’بجرنگی بھائی جان‘ کے ہیرو سلمان خان نے کہا کہ وہ بہت خوش قسمت ہیں کہ انہیں محبت کرنے والا خاندان ملا۔

DW.COM