روس کے ارب پتی یہودی تاجر ابرامووچ نے اسرائیلی شہریت لے لی | حالات حاضرہ | DW | 29.05.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

حالات حاضرہ

روس کے ارب پتی یہودی تاجر ابرامووچ نے اسرائیلی شہریت لے لی

روس کے ارب پتی یہودی تاجر رومان ابرامووچ نے برطانیہ میں قیام کے لیے ویزا نہ بڑھائے جانے کے بعد اسرائیلی شہریت حاصل کر لی ہے۔ وہ اپنے نجی طیارے کے ذریعے تل ابیب پہنچے جہاں انہیں اسرائیلی شناختی کارڈ دے دیا گیا۔

ابرامووچ، درمیان میں، تل ابیب میں ہی رہیں گے جہاں انہوں نے اپنے لیے ایک سابق ہوٹل خرید لیا ہے

ابرامووچ، درمیان میں، تل ابیب میں ہی رہیں گے جہاں انہوں نے اپنے لیے ایک سابق ہوٹل خرید لیا ہے

یروشلم سے منگل انتیس مئی کو ملنے والی نیوز ایجنسی ایسوسی ایٹڈ پریس کی رپورٹوں کے مطابق رومان ابرامووچ انگلش فٹ بال کلب چیلسی کے مالک بھی ہیں اور روس اور برطانیہ کے مابین پائے جانے والے موجودہ سفارتی تناؤ کی وجہ سے انہیں ایک روسی شہری کے طور پر برطانیہ میں قیام کے لیے اپنے ویزے کی مدت میں توسیع کروانے کے سلسلے میں شدید مشکلات کا سامنا تھا۔

اسرائیل کی تارکین وطن سے متعلق وزارت کے مطابق ابرامووچ اپنی نجی طیارے کے ذریعے کل پیر اٹھائیس مئی کو تل ابیب پہنچے، جہاں انہیں اس لیے ایک اسرائیلی شہری کے طور پر شناختی دستاویزات جاری کر دی گئیں کہ اسرائیلی قانون کے مطابق یہودی نسل کے کسی بھی انسان اور اس کے بچوں کو اس ریاست کی شہریت کا حق حاصل ہے۔

Roman Abramovich mit Chelsea Schal

رومان ابرامووچ نے 2003ء میں انگلش فٹ بال کلب چیلسی کو خرید لیا تھا

ترک وطن سے متعلق اسرائیلی وزارت ہی کے ایک دوسرے اہلکار نے تصدیق کی کہ رومان ابرامووچ نے کسی بھی دوسرے یہودی کے طور پر مروجہ ضابطوں پر عمل کرتے ہوئے ماسکو میں اسرائیلی سفارت خانے میں اپنے لیے اسرائیلی شہریت کی درخواست دی تھی، جو قبول کر لی گئی۔

لندن میں برطانوی حکومت نے اسی مہینے کہا تھا کہ وہ برطانیہ میں مقیم انتہائی امیر روسی شہریوں کو دیے جانے والے طویل المدتی رہائشی ویزوں کے اجراء پر نئے سرے سے غور کرے گی۔ اس کی وجہ اسی سال مارچ میں انگلینڈ کے شہر زالسبری میں ایک سابق روسی جاسوس اور اس کی بیٹی کو زہر دے کر ہلاک کرنے کی وہ کوشش بنی تھی، جس کا الزام لندن کی طرف سے روسی حکومت اور ماسکو میں ملکی خفیہ اداروں پر لگایا جاتا ہے۔

برطانوی حکومت کے مطابق اس سابق روسی جاسوس اور اس کی بیٹی کو اعصابی زہر کے ذریعے ہلاک کرنے کی جو مجرمانہ کوشش کی گئی تھی، اس میں روس ملوث تھا جبکہ روس کی طرف سے ان برطانوی الزامات کی بھرپور تردید کی جاتی ہے۔

برطانوی جریدے سنڈے ٹائمز کی اس سال کی امیر ترین افراد کی فہرست میں شامل تفصیلات کے مطابق رومان ابرامووچ کی دولت کا اندازہ قریب 9.3 ارب برطانوی پاؤنڈ یا 12.5 ارب امریکی ڈالر کے برابر لگایا جاتا ہے۔ ابرامووچ نے 2003ء میں انگلش فٹ بال کلب چیلسی کو بھی خرید لیا تھا۔

م م / ع ا / اے پی

DW.COM