جرمن ہسپتالوں کے آئی سی یو میں داخل زیادہ تر مریض، بغیر ویکسینیشن کے | حالات حاضرہ | DW | 13.01.2022

ڈی ڈبلیو کی نئی ویب سائٹ وزٹ کیجیے

dw.com کے بِیٹا ورژن پر ایک نظر ڈالیے۔ ابھی یہ ویب سائٹ مکمل نہیں ہوئی۔ آپ کی رائے اسے مزید بہتر بنانے میں ہماری مدد کر سکتی ہے۔

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

حالات حاضرہ

جرمن ہسپتالوں کے آئی سی یو میں داخل زیادہ تر مریض، بغیر ویکسینیشن کے

جرمنی میں جمعرات کو شائع ہونے والے تازہ ترین اعداد و شمار سے انکشاف ہوا ہے کہ جرمنی کے ہسپتالوں کے انتہائی نگہداشت یونٹس میں داخل مریضوں میں اکثریت ایسے افراد کی ہے جن کی ویکسینیشن نہیں ہوئی۔

 

جرمن ہسپتالوں کے انتہائی نگہداشت یونٹ آئی سی یو کی ایسوسی ایشن DIVI کی طرف سے تیرہ جنوری بروز جمعرات شائع ہونے والے اعداد و شمار سے پتا چلا ہے کہ ہسپتالوں کے آئی سی یو میں اس وقت داخل مریضوں میں سے 62 فیصد کی ویکسینیشن نہیں ہوئی ہے۔ جرمنی میں اس وقت کُل آبادی کا تقریباً ایک چوتھائی حصہ ایسے باشندوں پر مشتمل ہے جن کی کورونا سے بچاؤ کے لیے ویکسینیشن نہیں ہوئی یا جن کو کورونا حفاظتی ٹیکے نہیں لگے ہیں۔

انتہائی نگہداشت یونٹس کی صورتحال

نئے اعداد و شمار سے یہ بھی پتا چلا ہے کہ آئی سی یو میں داخل مریضوں کے تقریباً 10 فیصد کو صرف جزوی طور پر کورونا کے خلاف ٹیکہ لگایا  گیا ہے جبکہ 28 فیصد ویکسینیشن کی مکمل خوراک لے چُکے ہیں۔ جرمنی میں اب تک 72.3 فیصد افراد کو کم از کم دو ٹیکے لگ چُکے ہیں جبکہ 45 فیصد تیسرا یعنی بُوسٹر شاٹ بھی لگوا چُکے ہیں۔ ادھر 12 تا 17 سال کی عمر کے بچوں کو بوسٹر لگانے کی توثیق جمعرات تیرہ جنوری کو جرمنی کے ایک آزاد ویکسین ایڈوائزری پینل نے کر دی ہے۔

جرمن عوام اومیکرون کو خاطر میں نہیں لا رہے

Deutschland Coronavirus - Intensivstation

جرمن ہسپتالوں کے انتہائی نگہداشت کے یونٹس غیر معمولی دباؤ کا شکار

بچوں کے لیے بوسٹر

ماہرین نے ہدایات جاری کرتے ہوئے کہا کہ 12 تا 17 سال کی درمیانی عمر کے بچوں کو  دوا ساز کمپنی فائزر اور اس کی جرمن پارٹنر کمپنی BioNTech کی طرف سے تیار کردہ شاٹس ان کی آخری ویکسینیشن کے کم از کم تین ماہ بعد لگایا جائے۔

جرمنی: ٹیلی میڈیسن پائلٹ پراجیکٹ سے اسقاط حمل تک رسائی آسان

جرمنی میں حالیہ ہفتوں میں اومیکرون ویریئنٹ کے پھیلاؤ کے ساتھ ساتھ ملک بھر میں کورونا کیسز میں مسلسل اضافہ ریکارڈ کیا گیا ہے۔ متعدی بیماریوں کی تحقیق اور کنٹرول کے ادارے رابرٹ کوخ انسٹیٹیوٹ کے اعداد و شمار کے مطابق گزشتہ 24 گھنٹوں کے دوران 81 ہزار 4 سو 17 نئے انفیکشنز کی تصدیق جبکہ 316 اموات ریکارڈ کی گئی ہیں۔

Pfizer-BioNTech Impfstoff gegen das Corona-Virus

جرمنی میں 18 سال سے کم عمر کے بچوں کے لیے فائزر اور BioNTech ویکسین کی اجازت

 نورڈک ملک سویڈن کی صورتحال

سویڈن کو آئندہ دو ہفتوں کے دوران کورونا کیسز میں غیر معمولی اضافے کے خطرات کا سامنا ہے۔ ملکی صحت کی ایجنسی نے کورونا ویریئنٹ سے پیدا ہونے والی مشکل صورتحال سے خبردار کیا ہے۔

نورڈک ملک سویڈن میں کورونا وائرس سے پیدا ہونے والی موذی بیماری کووڈ انیس کے کیسز میں روزانہ غیر معمولی اضافہ ہو رہا ہے۔ گزشتہ ہفتے یہ تعداد  23 ہزار 8 سو 77 تک ریکارڈ کی گئی جس کی اصل وجہ ملک بھر میں کورونا کے نئے ویریئنٹ کا پھیلاؤ بنی۔

’غیر ویکسین شدہ افراد سے کرسمس پر ملاقاتیں نہیں کریں گے‘

سویڈن نے حال ہی میں اپنےہاں کورونا کی وبا کے سبب لگی پابندیوں کو سخت تر کرنے کا فیصلہ کیا تھا۔ کام کرنے والے باشندوں کو زیادہ سے زیادہ ' ہوم آفس‘ یا گھر سے کام کرنے کے احکامات جاری کیے گئے تھے۔ صحت کے ادارے کے مطابق کورونا کے نئے ویریئنٹ اومیکرون کے تیزرفتار پھیلاؤ کو کم سے کم کرنے کی یہ ایک بنیادی کوشش ہے۔ کورونا پابندیوں میں سختی اور متعدد اقدامات کے باوجود جنوری کے آخر تک سویڈن میں اس وبا کی صورتحال میں خطرناک شدت کی پیش گوئی کی جا رہی ہے۔

سویڈن میں آزادیوں کا تحفظ کیا کورونا اموات کا سبب بنا؟

Schweden Stockholm | Coronavirus | Shopping

کورونا وبا کے دوران اسٹالک ہوم کا منظر

سویڈن کے ریاستی وبائی امراض کے ماہر انڈرس ٹیگنل نے اپنے بیان میں کہا ہے کہ ان کا ملک اس وقت کورونا انفیکشن کے پھیلاؤ میں اُسی تیزی سے اضافے کا سامنا کر رہا ہے جتنا کہ دیگر ممالک کر رہے ہیں۔ انہوں نے تاہم انتباہ کرتے ہوئے کہا،'' یہ اضافہ کچھ عرصے تک جاری رہے گا۔‘‘ ٹیگنل نے ایک میڈیا کانفرنس سے خطاب کرتے ہوئے کہا،'' ہمارا صحت اور بہبود کے نظام پر بہت زیادہ دباؤ ہے۔‘‘

سویڈن میں کووڈ انیس کے شکار افراد کی تعداد میں خطرناک اضافے ہوا ہے تاہم ان مریضوں کی ہسپتال میں داخلے کی شرح  اس حساب سے نہیں بڑھی ہے، خاص طور سے اس شرح کا مقابلہ اگر کورونا کی سابقہ لہر سے کیا جائے تو۔

سویڈن صحت انتظامیہ کے مطابق ماضی کے مقابلے میں کورونا کی نئی لہر کے دوران اموات کی شرح نسبتاً کم ہے۔

ک م/  ع ح/ روئٹرز