انوشکا شرما اور ویرات کوہلی بن جائیں گے جلد والدین | فن و ثقافت | DW | 27.08.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

فن و ثقافت

انوشکا شرما اور ویرات کوہلی بن جائیں گے جلد والدین

بھارتی کرکٹ ٹیم کے کپتان ویرات کوہلی اور بالی ووڈ کی اسٹار انوشکا شرما نے اعلان کیا ہے کہ وہ والدین بننے والے ہیں۔ دونوں شخصیات کے مداح اس خبر پر انہیں مبارکباد پیش کر رہے ہیں۔

انوشکا شرما اور ویرات کوہلی دونوں نے اپنے سوشل میڈیا اکاؤنٹس پر اس خوش خبری کا اعلان کرتے ہوئے کہا،'' اور ہم تین ہوگئے، جنوری 2021 میں آمد ہے۔‘‘

کرکٹ کی دنیا کا بڑا نام ویرات کوہلی اور بھارت کی نامور اداکاراؤں میں شامل انوشکا شرما کی شادی 2017ء میں اٹلی میں ہوئی تھی۔ انہیں بھارت کا مشہور ترین شادی شدہ جوڑا تصور کیا جاتا ہے اور دونوں کو لاکھوں لوگ سوشل میڈیا پر فولو کرتے ہیں۔

نہ صرف بھارت بلکہ اس جوڑے کو پاکستانی مداحوں کی جانب سے بھی مبارکباد دی گئی۔ پاکستان میں آج انوشکا شرما اور ویرات کوہلی کا نام ٹوئٹر پر ٹرینڈ کرتا رہا۔

اس وقت ویرات کوہلی دبئی میں انڈین پریمیئر لیگ کے ٹی ٹونٹی میچز کھیل رہے ہیں۔ کورونا وائرس کی وبا کے باعٹ بھارتی پریمیئر لیگ کا انعقاد متحدہ عرب امارات میں کیا گیا ہے۔

ب ج، ک م (ڈی پی اے)