آئی فون الیون: قیمت میں کمی، فیچرز میں اضافہ | سائنس اور ماحول | DW | 11.09.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
اشتہار

سائنس اور ماحول

آئی فون الیون: قیمت میں کمی، فیچرز میں اضافہ

ایپل نے اپنے نئے آئی فون کے ماڈلز کی نہ صرف قیمت کم کر دی ہے بلکہ نئے آئی فون خریدنے والے صارفین کو ایک سال کے لیے مفت ویڈیو اسٹریمنگ اور گیمز کی سہولت مہیا کرنے کا اعلان بھی کیا ہے۔

معروف امریکی کمپنی ایپل کے تیار کردہ آئی فون دنیا بھر میں مقبول ہیں حالانکہ آئی فون کی قیمت میں گزشتہ چند برسوں کے دوران کافی زیادہ اضافہ کیا گیا اور اس کے فون کے تمام ماڈلز کی قیمت مارکیٹ میں دستیاب باقی تمام موبائل فونز سے کہیں زیادہ تھی۔ اسی باعث ایپل کی حریف کئی کمپنیوں کے موبائل فونز کی فروخت میں کافی زیادہ اضافہ ہو رہا ہے۔

Apple - Iphone 11 Pro Ultra Wide

نئے آئی فون میں گزشتہ کے مقابلے میں کافی بہتر اور ایڈوانس فیچر موجود ہیں جن میں الٹر وائڈ کیمرہ لینز بھی شامل ہیں۔

تاہم اب اس صورتحال سے نمٹنے کے لیے منگل 10 ستمبر کو آئی فون کا نیا ماڈل یعنی آئی فون الیون متعارف کرا دیا ہے۔ اس مرتبہ لیکن آئی فون کی قیمت سات سو ڈالرز سے شروع ہوئی ہے۔ یاد رہے کہ گزشتہ برس متعارف کرائے گئے آئی فون ایکس آر کی قیمت آٹھ سو ڈالر سے شروع ہوئی تھی۔

ویڈیو دیکھیے 02:07

ایپل کی نئی مصنوعات میں نیا کیا ہے؟

آئی فون الیون کے تین مختلف ماڈلز متعارف کرائے گئے ہیں جن میں آئی فون الیون پرو بھی شامل ہے جو ٹرپل کیمرہ کا حامل ہے، اس کی قیمت ایک ہزار ڈالر سے شروع ہوتی ہے۔ یہ قیمت تو گزشتہ ماڈل کے برابر ہے لیکن نئے آئی فون میں گزشتہ کے مقابلے میں کافی بہتر اور ایڈوانس فیچر موجود ہیں جن میں الٹر وائڈ کیمرہ لینز بھی شامل ہیں۔

ایپل کی طرف سے اپنی نئی پراڈکٹس کے حوالے سے صارفین کو جو دوسری سب سے بڑی سہولت دی گئی ہے وہ ایپل ٹی وی پلس کی ایک سال کے لیے مفت ویڈیو اسٹریمنگ ہے۔

ا ب ا / ش ح (اے ایف پی، ڈی پی اے)

DW.COM

Audios and videos on the topic