چرنوبل ایٹمی ری ایکٹر کے حادثے کی یاد

آج بدھ کے روز شمالی یوکرائن میں حادثے کی جگہ پر چرنوبل ایٹمی ری ایکٹر کے سابقہ کارکن اور اُن کے گھر والے جمع ہوئے اور اُنہوں نے بیس سال پہلے یہاں پیش آنے والے حادثے میں مرنے والوں کو خراجِ عقیدت پیش کیا۔

ماسکو کے ریڈ اسکویئر پر پولیس نے تحفظ ماحول کی علمبردار تنظیم گرین پیس کے 13 اراکین کو گرفتار کر لیا، جو اجتماعات پر عاید پابندی کے باوجود روس میں ایٹمی توانائی کا استعمال جاری رہنے کے خلاف احتجاج کر رہے تھے۔

26 اپریل سن 1986ء کو چرنوبل کے ایٹمی ری ایکٹر کے ایک بلاک میں دھماکے کے نتیجے میں مختلف اندازوں کے مطابق دَس ہزار تا ایک لاکھ انسان موت کا شکار ہوئے۔