جنوبی لبنان پر اسرائیلی دَستوں کا حملہ

اِن اسرائیلی بری دَستوں کو اپنی فضائی اور بحری اَفواج کی بھی مدد حاصل ہے۔ اسرائیلی ریڈیو کے مطابق جنوبی لبنان میں شدید جھڑپیں ہوئی ہیں، جن میں کم از کم تین اسرائیلی اور حزب اللہ کے دو اراکین مارے گئے۔ اُدھر عرب ٹیلی وژن چینل الجزیرہ کے مطابق حزب اللہ ملیشیا کے حملوں میں سات اسرائیلی فوجی ہلاک ہو گئے۔

جرمنی، امریکہ اور اَقوامِ متحدہ نے حزب اللہ ملیشیا کے اقدام کی مذمت کرتے ہوئے مشرقِ وُسطےٰ میں ایک سنگین بحران سے خبردار کیا ہے۔