اسلام آباد میں وکلاء کا لانگ مارچ اختتام پذیر

پاکستانی دارالحکومت اسلام آباد میں معزول ججوں کی بحالی کے لئے وکلاء اور سیاسی کارکنوں کا لانگ مارچ کہلانے والا جلوس چَودہ جون ہفتے کی صبح تک جاری رہنے کے بعد مکمل طور پر منتشر ہو گیا۔ منتظمین کا دعویٰ ہے کہ یہ لانگ مارچ کامیاب رہا اور اِس میں لاکھوں افراد شریک ہوئے جبکہ وزیر اعظم کے مُشیر برائے امورِ داخلہ رحمان ملک کے مطابق صرف کوئی بیس ہزار افراد نے اِس میں شرکت کی۔