Zu Guttenberg ajiuzulu | Matukio ya Kisiasa | DW | 01.03.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Kisiasa

Zu Guttenberg ajiuzulu

Taarifa za hivi punde (saa 5.15 asubuhi kwa saa za Ulaya ya Kati) zinasema kuwa zu Guttenberg amejiuzulu wadhifa wake wa uwaziri wa ulinzi leo hii.

Karl-Theodor zu Guttenberg

Karl-Theodor zu Guttenberg

Kwa mujibu wa vyanzo kutoka mashirika ya habari nchini Ujerumani, Waziri wa Ulinzi wa Ujerumani, Karl-Theodor zu Guttenberg, ambaye amekuwa akikabiliwa na kashfa ya kutumia marejeo ya watu wengine kwenye shahada yake ya uzamifu bila ya kuwatambulisha, amejiuzulu wadhifa wake leo hii (Jumanne, 01.03.2011).

Gazeti maarufu la Bild limesema kwamba tayari zu Guttenberg, ambaye mwishoni mwa mwezi uliopita alivuliwa jina la udaktari na Chuo Kikuu cha Bayreuth cha Ujerumani, ameshawasilisha uamuzi wake huo kwa Rais Christian Wullf na Kansela Angela Merkel.

Zu Guttenberg mwenye miaka 39, ambaye vyombo vya habari vimempachika majina ya "Baron Cut-And-Paste" na "Zu Googleberg", ni miongoni mwa mawaziri wenye umashuhuri mkubwa kwenye serikali ya Merkel na kujiuzulu kwake kutakuwa na mshtuko mkubwa kwa Kansela Merkel.

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com