Wanariadha wengine watano wa Afrika wametoweka Gold Coast | NRS-Import | DW | 12.04.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

NRS-Import

Wanariadha wengine watano wa Afrika wametoweka Gold Coast

Wanariadha 5 kutoka Rwanda na Uganda wanaaminika kutoweka, siku moja tu baada ya wengine wanane kutoka Cameroon kupotea

Waandalizi wa mashindano ya Jumuiya ya Madola wamesema wanariadha wengine watano wa Afrika wametoweka baada ya washiriki wanane kutoka Cameroon kupotea siku ya Jumatano.

Waandalizi wa mashindano hayo yanayofanyika mjini Gold Coast, Australia wamethibitisha ripoti kuwa wanariadha kutoka Rwanda na Uganda wanaaminika kupotea na pia wanawatafuta wachezaji wawili kutoka Sierra Leone.

Mkurugenzi mkuu wa shirikisho la mashindano ya Jumuiya ya Madola David Grevemberg amewaambia wanahabari kuwa wana wajibu kuhusu watu waliopata kihalali visa za kuwa Australia na mpaka pale watapopitiliza muda wa kukaa nchini humo ambao ni tarehe 15 mwezi ujao, wataendelea kutathmini hali.

Waziri wa mambo ya ndani wa Australia Peter Dutton ameonya kuwa wanariadha wataondolewa kwa nguvu nchini humo iwapo watajaribu kupitiliza muda walioruhusiwa kuizuru nchi hiyo. Mwaka 2000, zaidi ya wachezaji 100 walipotea katika mashindano ya Olimpiki ya Sydney.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com