Wanajeshi wa Israel waingia ndani ya meli ya Ireland. | Wafanyakazi wa Idhaa ya Kiswahili | DW | 05.06.2010
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Wanajeshi wa Israel waingia ndani ya meli ya Ireland.

Maandamano katika miji mingi duniani yafanyika kupinga hatua ya Israel ya kuzuia meli kuelekea Gaza.

default

Mbinyo ya kimataifa dhidi ya Israel kulegeza sheria ya kuzuia usafiri katika eneo la Gaza, yazidi

Jeshi la Israel limesema wanajeshi wake wameingia ndani ya meli ya misaada ya Ireland inayoelekea Gaza baada ya kuizuia katika eneo la mpaka wa majini wa kimataifa. Msemaji wa jeshi hata hivyo amesema hakukuwa na mvutano na kulikuwa na ushirikiano kutoka kwa mabaharia na abiria.

Awali wanajeshi wa Israel walikuwa wametishia kuingia katika meli hiyo inayosafirisha misaada na wanaharakati ikiwa haingebadilisha mkondo wa kuelekea Gaza.

Schiff Dignity der Free Gaza Bewegung

Wanajeshi wa Israel washika doria kulidhibiti eneo la ukanda wa Gaza.

Mapema wiki hii watu tisa waliuawa wakati wanajeshi wa Israel walipoingia katika meli ya Uturuki iliyokuwa imebeba misaada kwa ajili ya Wapalestina katika Ukanda wa Gaza.

Jana kulikuwa na maandamano katika nchi za Kiarabu yakiitaka Israel iondoe sheria ya kuzuia usafiri katika ukanda ilioanza kutekelezwa baada ya kundi la Hamas kulidhibiti eneo hilo mwezi Juni mwaka wa 2007.

Kamishna wa Umoja wa Mataifa anayesimamia haki za binaadam, Navi Pillay aliitaja hatua hiyo kuwa sio halali akisema sheria ya kimataifa inayolinda ubinadamu inapinga kuwanyima chakula raia kama mbinu ya kivita. Pillay pia alisisitiza kuanzishwa kwa uchunguzi dhidi ya uvamizi wa Israel kwa msafara wa meli hizo.

Mwandishi, Peter Moss /DPA/RTRE

Mhariri, Mohamed Dahman

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com