Viongozi wa nchi za Kiarabu waupinga uamuzi wa Donald Trump | Matukio ya Kisiasa | DW | 01.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Tunisia

Viongozi wa nchi za Kiarabu waupinga uamuzi wa Donald Trump

Viongozi wa jumuiya ya nchi za Kiarabu katika mkutano wao wa kilele uliofanyika mjini Tunis siku ya Jumapili, wameupinga kwa kauli moja uamuzi wa Marekani wa kuitambua milima ya Golan kama sehemu ya Israeli.

Katika tamko la mwisho baada ya mkutano wao wa kilele kumalizika, viongozi hao wa Umoja wa Kiarabu walisema wanasisitiza kuwa milima ya Golan inayokaliwa na Israel ni eneo la Syria kulingana na sheria ya kimataifa, maamuzi ya Umoja wa Mataifa na ya Baraza la Usalama. Katibu mkuu wa jumuiya hiyo Ahmed Aboul Gheit amesema hoja ya rais Donald Trump ni batili, sio halali kabisa.

Rais Donald Trump alitia saini tamko la kuitambua milima ya Golan kuwa ni sehemu ya Israel wiki iliyopita. Israel iliiteka milima ya Golan wakati wa vita vya mwaka 1967 vya mashariki ya kati baada ya Syria kuitumia sehemu hiyo yenye  umuhimu wa kijeshi, kwa ajili ya kushambulia sehemu za kaskazini mwa Israel.  Israel ililiunganisha eneo hilo katika milki yake mnamo mwaka 1981.

Kwa muda wa miaka mingi nchi za kiarabu zimekuwa zinataka eneo  hilo la milima lirudishwe kwa Israel na zimeulaani uamuzi wa  rais Donald Trump wa  kuitambua milima hiyo kuwa ni sehemu ya ardhi ya Israel.

Katibu mkuu wa jumuiya ya nchi za Kiarabu Ahmed Aboul Gheit (picture-alliance/AP/H. Malla)

Katibu mkuu wa jumuiya ya nchi za Kiarabu Ahmed Aboul Gheit

Viongozi wa Kiarabu wamesema watawasilisha azimio kwenye  Baraza la Usalama la Umoja wa Mataifa dhidi ya uamuzi wa Marekani na pia wameahidi kuwaunga mkono Wapalestina katika jitihada zao za kutaka uhuru wao.

Syria haikuwakilishwa katika mkutano huo kutokana na kusimamishwa uanachama wake tangu mwaka 2011 na hadi mkutano huo wa kilele ulipomalizika viongozi wa jumuiya hiyo ya nchi za Kiarabu hawakuwa wamefikia makubaliano juu ya kuiruhusu Syria kurejea kwenye jumuiya hiyo.

Mkutano huo ulifanyika wakati ambapo kuna misukosuko nchini Algeria, Sudan, na Yemen ambazo pia viongozi wake hawakuhudhuria mkutano huo wa kilele na Emir wa Qatari naye aliondoka mapema kutoka kwenye mkutano bila sababu kutolewa.

Vyanzo/AFP/DPA

 

 

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com