Upinzani waitisha maandamano makubwa nchini Georgia | Habari za Ulimwengu | DW | 06.01.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Upinzani waitisha maandamano makubwa nchini Georgia

Upinzani nchini Georgia umewataka wafuasi wake wajitokeze kwa wingi kufanya maandamano katika barabara za mji mkuu Tbilisi hii leo.

Mwito huo umetolewa baada ya rais wa Georgia, Mikhail Saakashvili kushinda awamu ya kwanza ya uchaguzi wa rais.

Matokeo ya kwanza ya uchaguzi huo yalimpa ushindi rais Saakashvili wa asilimia 53.8 dhidi ya wapinzani wake. Rais Saakashvili amewaambia wafuasi wake katika makao makuu ya kampeni zake mjini Tbilisi kwamba uchaguzi uliofanyika ni ushindi wa nchi nzima ya Georgia, lakini wapinzani wake wanadai kwambwa uchaguzi huo ulikumbwa na mizengwe.

Mpinzani mkuu wa rais Saakashvili, Levan Gechechiladze ametangaza ameshinda uchaguzi huo akisema kumekuwa na udanganyifu katika zoezi la kuhesabu kura.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com