Serbia kwenda mahakama ya The Hague | Habari za Ulimwengu | DW | 11.12.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Serbia kwenda mahakama ya The Hague

BELGRADE.Serbia imesema kuwa itapinga hatua ya kutaka kujitenga kwa jimbo lake la Kosovo linalotaka kujitangazia uhuru.

Rais Boris Tadic wa Serbia amesema kuwa iwapo hilo litatokea watalifikisha katika mahakama ya kimataifa ya sheria ya mjini The Hague.

Urusi kwa upande wake ambayo inaiunga mkono Serbia imesema italitaka Baraza la Usalama la Umoja wa Mataifa kutengua maamuzi yoyote ya upande mmoja juu ya uhuru wa Kosovo.

Matamshi hayo yamekuja huku muda wa mwisho uliyowekwa na Umoja wa Mataifa kwa pande mbili zinazozozana juu ya uhuru wa Kosovo kufikia muafaka ukikaribia kumalizika.

Wachambuzi wa masuala ya siasa wameonya kuwa uhuru kwa jimbo la Kosovo ni jambo la hatari litakalopelekea kunazishwa kwa vikundi vingi vya wanaharakati katika eneo lote la Ulaya.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com