Rais Trump kutoa tamko muhimu

Gidley hakutoa  taarifa  zaidi, na  haikuwa  wazi  kuhusu  mada itakayokuwa  katika  taarifa  hiyo  ya  Trump.

Rais ametoa  ishara  hapo  mapema  kuwa kuna  kitu muhimu anachotaka  kuzungumza  wakati  alipoandika  katika  ukurasa wa Twitter bila  kutoa  maelezo kwamba, "kuna kitu  kikubwa  kimetokea !"

Trump  amekuwa  akikerwa  na  vyombo  vya  habari  vya  Marekani kutoa  umuhimu  mkubwa  kwa  uchunguzi  unaoongozwa  na chama cha  Democraitc  wa  kutaka  ashitakiwe, uchunguzi  ambao  anauita wa  kumtafuta  mchawi  ulio kinyume  na  sheria.

Pia amekabiliana  na  ukosoaji  mkubwa  kutoka  kwa  wanachama wa  chama  chake  cha  Republican  pamoja  na  Wademocrat pia kwa  uamuzi  wake  wa  kuvitoa  vikosi  vya  jeshi  la  Marekani kutoka  kaskazini  mashariki  mwa  Syria, hali  iliyoruhusu Uturuki kuwashambulia  Wakurdi  ambao  ni  washirika  wa  Marekani.

Trump alitarajiwa  kutoa  taarifa  hiyo  katika  chumba  maalum  cha mapokezi  ya  wanadiplomasia  katika  Ikulu  ya  White House, chumba ambacho  amekuwa  akikitumia  kutoa  matamshi  kadhaa muhimu.

Ni  wiki  iliyopita  tu alitumia  chumba  hicho  kutangaza  kuwa usitishaji  mapigano  kati ya  Uturuki  na  Wakurdi wameanza.