Nigeria yailaza Iceland 2-0, Ujerumani kuivaa Sweden | Kombe la Dunia 2018 | DW | 23.06.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Kombe la Dunia 2018

Nigeria yailaza Iceland 2-0, Ujerumani kuivaa Sweden

Uswisi ilipata ushindi wa 2-1 dhidi ya Serbia baada ya kuelemewa kimchezo katika kipindi cha kwanza. Kwenye mchezo mwingine wa kundi E, magoli mawili yaliwahakikisha Brazil ushindi.

Uswisi ilipata ushindi wa 2 - 1 dhidi ya Serbia baada ya kuelemewa kimchezo katika kipindi cha kwanza. Kwenye mchezo mwingine wa kundi hilo E, magoli mawili katika muda wa ziada kutoka kwa Philipe Coutinho na Neymar yaliwahakikisha Brazil ushindi walipokuwa wakichuana na Costa Rica. Serbia na Uswisi bado wanaweza kufuzu katika hatua inayofuata ingawa Costa Rica tayari wameondolewa. Brazil na Uswisi wana pointi nne, pointi moja mbele ya Serbia ambao watahitaji matokeo mazuri katika mechi yao ya mwisho ya makundi watakapocheza na Brazil la sivyo watakuwa wameenguliwa. Mechi ya tatu jana ilishuhudia Nigeria ikiitandika Iceland mabao 2 - 0. Mabao yote hayo yakifungwa na Ahmed Musa, na kumuweka juu kwenye orodha ya wafungaji bora wa Nigeria katika Kombe la Dunia. Hii leo mechi tatu zinaendelea ambapo Ujerumani itakuwa ikitafuta ushindi dhidi ya Sweden, Ubelgiji watamenyana na Tunisia wakati Korea Kusini ikivaana na Mexico.

 

Matangazo

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com