Miaka 40 baada ya mwanadamu kutembea katika mwezi. | Wafanyakazi wa Idhaa ya Kiswahili | DW | 20.07.2009
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Timu Yetu

Miaka 40 baada ya mwanadamu kutembea katika mwezi.

Miaka 40 baada ya mwanadamu kutua mwezini.

default

Kamanda wa Apollo 11 Michael Collins.

Miaka 40 iliyopita, mwanaanga wa Marekani, Neil Armstrong, alitua na kutembea mwezini, na hivyo kuwa mwanadamu wa kwanza kuchukua hatua hiyo.

Armstrong alisema wakati huo kuwa hatua aliyochukua yeye likuwa ndogo kwa mtu, lakini ilikuwa kubwa sana kwa binadamu wote.

Kwa kumpeleka mwanadamu mwezini, Marekani iliishinda Urusi katika mashindano ya kudhibiti anga za mbali.

Tarehe 20 mwezi Julai mwaka 1969 Chombo cha anga, Apollo 11, kiliwapeleka angani wanaanga watatu wa Marekani,Neil Armstrong, Buzz Aldrin na Michael Collins.Licha ya matatizo ya kompyuta yaliyokuwapo, chombo cha Eagle kilifanikiwa kutua mwezini. Wanaanga walikabiliwa na chaguo, kugeuza na kurudia au kuendesha mitambo kwa mikono yao. Walitumia mikono yao kuendesha mitambo.Armstrong alikuwa wa kwanza kuteremka na kutembea mwezini.

Watu zaidi ya nusu bilioni duniani kote walifuatilia tukio hilo kwenye televisheni miaka 40 iliyopita.

Mradi huo ulianza tarehe 25 mwezi Mei mnamo mwaka 1961 wakati rais John F. Kennedy aliposema " Marekani imechagua kwenda mwezini siyo kwa sababu ni rahisi kufaya hivyo, bali kwa sababu ni vigumu"

Huo ulikuwa wakati ambapo vita baridi baina ya Marekani na Urusi vilisthadi, na ambapo Urusi ilikuwa mbele katika utafiti wa anga. Wamarekani walinyongea.

Urusi ilikuwa ya kwanza kupeleka satelaiti angani na mwanaanga-Yuri Gagarin. Kutokana na hayo, Marekani ilipania kwa kila hali kumpeleka mwanadamu kwenye mwezi na ilifanikiwa.

Safari zingine tano zilifuatia. Kwa jumla, Wamarekani 12 wametua mwezini hadi sasa. Lakini shangwe zote zilitoweka haraka. Mmarekani wa mwisho kwenda mwezini alikuwa Eugene Cernon mnamo mwaka 1972. Baada ya hapo mradi wa Apollo ulimalizika.

Hata hivyo, wanaanga wa Marekani sasa wanatoa miito juu ya kutayarisha safari ya kwenda kwenye sayari ya Mars.

Mwandishi/Anna EngelkeMtullya, Abdu/ZR

Mhariri: Miraji Othman

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com