Mchakato wa kuunda serikali ya muunano waendelea Italia | Matukio ya Kisiasa | DW | 22.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Matukio ya Kisiasa

Mchakato wa kuunda serikali ya muunano waendelea Italia

Kiongozi wa chama cha Democratic nchini Italia Nicola Zingaretti ameonya chama hicho hakiko tayari kuunda serikali ya muungano na chama hasimu cha vuguvugu la nyota tano M5S.

Serikali ya muungano kati ya vyama hivyo viwili chama cha Democratic chenye sera za mrengo wa kushoto nchini humo na chama cha vuguvugu la nyota tano M5S ndio njia pekee ya kuzuwia uchaguzi wa mapema, ambao iwapo utafanyika basi kiongozi wa chama cha Ligi kinachopinga wahamiaji Matteo Salvini huenda akashinda uchaguzi huo.

Lakini baada ya kuwa na mazungumzo na rais wa Italia Sergio Mattarella, kiongozi wa chama cha Democratic Nicola Zingaretti amesema haitokuwa rahisi kwa chama chake kufanya kazi na watu wanaotofautiana kisiasa.

Italien Rom Regierungsbildung (Imago/IPA/M. Trex)

Rais wa Italia Sergio Mattarella

"Sio chaguo rahisi kwetu kwa sababu ya mzigo ambao serikali iliyokuwepo imetuachia, na kwasababu tuna mtazamo tofauti wa kisiasa  na watu wengine hasa chama cha vuguvugu la nyota tano, washirika wa serikali ya Conte. Lakini tuna wasiwasi kuhusu changamoto iliopo katika uchumi wetu," alisema Zingaretti.

Nicola Zingaretti amesema iwapo serikali hiyo itaundwa na vyama hivyo viwili basi ni lazima kwanza chama cha M5S kikubali kufuata sera za kuiunga mkono Umoja wa Ulaya na kuunga mkono suala la uhuru wa wahamiaji.

Kiongozi wa chama cha M5S adaiwa kutoa maagizo yasio kuwa na msingi

Hata hivyo Manlio Di Stefano, Waziri Mdogo wa mambo ya kigeni anaeondoka anayetokea chana cha vuguvugu la nyota tano M5S amekanusha matamshi ya Zingareti akisema kiongozi huyo anacheza mchezo wa kujifanya hataki kinachopendekezwa huku akitoa matakwa ambayo hayana msingi.

Vorwahlen PD Italien | Neuer Vorsitzender Nicola Zingaretti (picture-alliance/ZUMAPRESS.com/C. Fabiano)

Kiongozi wa chama cha Democratic nchini Italia Nicola Zingaretti

Italia imeingia katika mgogoro wa kisiasa baada ya Waziri wa mambo ya ndani Matteo Salvini kuitisha kura ya kutokuwa na imani na serikali ya muungano iliyodumu miezi 14 kati ya chama chake na chama cha M5S akitumai uchaguzi wa mapema utafanyika na kutarajia kuchukua ushindi. Hatua yake hiyo ilimlazimisha waziri mkuu Giuseppe Conte kujiuzulu.

Rais  Sergio Mattarella amekuwa akikutana na viongozi wa kisiasa nchini humo kuona iwapo kuna nafasi ya kuunda muungano mbadala wa utawala au iwapo uchaguzi wa mapema ufanyike ikiwezekana mwishoni mwa mwezi Oktoba.

Mattarella anatarajiwa kukutana na Matteo Salvini pamoja na kiongozi wa chama cha M5S Luigi Di Maio.

Vyanzo:dpa/reuters

DW inapendekeza

Matangazo

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com