Makamu wa Rais wa Marekani awasili nchini Ghana

Kamala Harris anatarajiwa hiyo kesho kukutana kwa mazungumzo na rais wa Ghana Nana Akufo-Addo.

Harris anaanza ziara yake ya wiki moja barani Afrika katika juhudi za kuboresha uhusiano kati ya nchi yake na bara hilo lakini pia kukabiliana na ushawishi wa China unaoongezeka barani humo.

Akiambatana na muwewe Doug Emhoff, Kamala Harris atazitembelea pia Tanzania na Zambia, huku akiangazia zaidi maendeleo ya kiuchumi, mabadiliko ya tabia nchi, usalama wa chakula na ongezeko la idadi ya vijana. Rais Joe Biden anatarajiwa pia kufanya ziara barani Afrika baadaye mwaka huu.