Lewandowski ataka kikosi cha Bayern kiimarishwe | Michezo | DW | 05.08.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Michezo

Lewandowski ataka kikosi cha Bayern kiimarishwe

Baada  ya  kipigo dhidi ya mahasimu wao wakubwa Borussia Dortmund  katika  Super Cup siku  ya  Jumamosi, mshambuliaji wa Bayern Lewandowski ataka kikosi  kiimarishwe  na kuwa kipana zaidi.

Fußball DFB Pokal FC Bayern München - 1. FC Heidenheim (Imago Images/kolbert-press)

Robert Lewandowski mshambuliaji wa Bayern Munich

Mshambuliaji  wa  Bayern Munich  Robert Lewandowski  anataka klabu  yake  kusajili  wchezaji  bora  ambao  wataweza  kuleta  athari ya  haraka  kikosini badala  ya  wachezaji  wenye  uwezo  tu.

Robert Lewandowski Interview (DW)

Robert Lewandowski mshambuliaji wa Bayern

Akizungumza  baada  ya  kipigo  cha  mabo 2-0 dhidi  ya  mahisimu wao  wakubwa  Borussia  Dortmund  katika  kombe  la  Ujerumani  la Super Cup siku  ya  Jumamosi, Lewandowski  alilalamikia  ukosefu wa  wachezaji  wanaoweza  kubadili  mchezo  miongoni  mwa wachezaji  wa  akiba  wa  Bayern na  alionekana  kuhoji  sera  ya uhamisho  ya  klabu.

"bila shaka  wachezaji  chipukizi katika  benchi  wana  uwezo , hii  ni kweli, lakini  wakati  mwingine unahitaji  mchezaji  mwenye  uwezo mkubwa wa  moja  kwa  moja ambaye  anaweza  kuingia  uwanjani na  kuisaidia  timu," Lewandowski alisema.

Deutscher Super Cup - Borussia Dortmund - Bayern München (picture-alliance/dpa/G. Kirchner)

Kikosi cha wachezaji wa Borussia Dortmund wakijipongeza baada ya kupata bao

Ikilinganishwa  na  Dortmund , ambayo  imekiimarisha  kikosi  chake kwa  kiasi  kikubwa majira  haya  ya  kiangazi, Bayern  imepata  saini ya  walinzi  wa  kikosi  cha  timu  ya  taifa  ya Ufaransa Benjamin Pavard  na  Lucas Hernandez , wakati Arjen Robben, Frank Ribery , James Rodriguez, Mats Hummels  na  rafinha wameondoka  katika klabu  hiyo. Mshambuliaji  Mjerumani Fiete Arp amewasili  akitokea Hamburg SV licha  ya  kuwa  haifahamiki  iwapo atabakia  na  klabu hiyo ama  atapelekwa  kwa  mkopo kwa  msimu  mmoja  katika  klabu nyingine.