Korea Kaskazini yaonyesha silaha zake katika gwaride

Kwa muda mrefu, Korea Kaskazini imekuwa ikitafuta mbinu za kutengeneza makombora ya nyuklia ambayo itakuwa vigumu kuyagundua na kuyaharibu.

Waangalizi wamekuwa wakifuatilia kwa karibu gwaride hizo za kijeshi ili kufahamu maendeleo ya nyuklia ya serikali ya Kim.

Korea Kaskazini imefanya gwaride nne za kijeshi nyakati za usiku katika miaka ya hivi karibuni, na imeapa kupanua na kuimarisha mazoezi ya kijeshi ili kuhakikisha kuwa wako tayari kwa vita.

Wachambuzi wanasema silaha zilizoonyeshwa katika gwaride la hapo jana, ni changamoto kubwa kwa Marekani.