Kesi za waathiriwa wa baada ya uchaguzi Kenya | Matukio ya Afrika | DW | 17.04.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Matukio ya Afrika

Kesi za waathiriwa wa baada ya uchaguzi Kenya

Waathiriwa wa ghasia za baada ya uchaguzi wa mwaka 2017 nchini Kenya, wanaazimia kuishitaki serikali na asasi zake wakiwemo polisi kutokana na dhulma walizofanyiwa wakati wa ghasia hizo.

Mashirika ya kijamii nchini Kenya yanaazimia kuishtaki mahakamani, serikali na asasi zake wakiwemo maafisa wa polisi, kwa niaba ya waathiriwa wa ghasia za baada ya uchaguzi wa mwaka 2017 nchini Kenya, kutokana na dhulma yanazosema walifanyiwa katika kipindi cha uchaguzi hasaa baada ya kutangazwa matokeo ya urais yaliyompa ushindi rais Uhuru Kenyatta.

Kiongozi wa kituo cha kijamii cha Kondele kinachojishugulisha na maswala ya haki Bonface Ogutu Akach anasema wameshirikiana na mashirika kadhaa kuwapa fursa waathiriwa wa ghasia hizo kutoka Migori, Siaya, Homabay na Kisumu kudai haki na fidia kutoka kwa serikali kutokana na madhila mbali mbali yaliyowafika yakiwemo ubakaji, majeruhi ya risasi na hata kupoteza mali.

Afisa wa shirika la kiislamu la haki za binadamu, MUHURI, Francis Auma amesema lengo la kuwaleta pamoja waathiriwa hao ni kukusanya ushahidi wa kutosha kuweza kuishtaki serikali.

Matangazo

IJUE DW

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com