Idadi ya watu waliouwawa Mogadishu yaongezeka

Idadi ya watu waliouwawa katika shambulizi la miripuko miwili ya mabomu kwenye mikahawa miwili mjini Baidoa nchini Somalia mwishoni mwa juma lililopita, imefikia 20 na wengine 40 kujeruhiwa. 

Duru zimeeleza kuwa washambuliaji wawili wa kujitoa mhanga walijiripua katika shambulizi la mapema Jumamosi asubuhi. Kundi la  al-Shabaab limedai kuhusika na shambuliozi hilo. Msemaji wa kundi hilo amesema wameulenga mkahawa huo kwa sababu ni mahala  ambako wanajeshi huwepo kila mara.

Jumapili ilitimia mwaka mmoja, tangu shambulizi la bomu katika mji mkuu wa Somalia-Mogadishu, ambalo linashukiwa lilifanywa pia na  Al-Shabaab, lilipowauwa watu zaidi ya 500.

Mahakama ya kijeshi ya Somalia, ilimhukumu adhabu ya kifo mtu mmoja aliyekutikana na hatia  ya kuhusika katika  shambulizi hilo.