Bayern yashinda mchezo wa ufunguzi wa Ligi ya Bundesliga | Michezo | DW | 27.08.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Matangazo

Michezo

Bayern yashinda mchezo wa ufunguzi wa Ligi ya Bundesliga

Ligi ya Ujerumani Bundesliga imeanza  rasmi mwisho  mwa  juma, Mabingwa watetezi Bayern Munich waendeleza ubabe katika mchezo  wa kwanza. Borussia Dortmund yajitutumua na kupata  ushindi dhidi ya RB Leipzig.

Ligi  ya  Bundesliga  imerejea  tena  dimbani  kwa  msimu  wa 56  wa mwaka  2018 / 19, ambapo  mabingwa  watetezi Bayern Munich wanatetea  taji  lao kwa  mara  ya  saba  mfululizo  ilipata  ushindi katika  mchezo  wao  wa  kwanza  katika  uwanja  wa  Allianz Arena mjini  Munich  kwa  kuikandamiza  TSG  Hoffenheim kwa  mabao  3-1 siku  ya  Ijumaa.

Fußball 1. Bundesliga | Borussia Dortmund v RB Leipzig | Axel Witsel (picture-alliance/dpa/Revierp)

Axel Witsel wa Borussia Dortmund akishangiria bao akiwa pamoja na Delaney

Hapo  jana  Jumapili  mzunguko  wa  kwanza  ulimalizika  kwa  Mainz 05  kuikandika  VFB Stuttgart  kwa  bao 1-0,  na  katika  mchezo  wa mwisho Borussia Dortmund  iliibamiza  RB Leipzig  kwa  mabao  4-1.

Kurejea  kwa  kocha  Lucien Favre  katika  Bundesliga  kumeanza kwa  kishindo  wakati  kikosi  chake  cha  Dortmund  kikimaliza washindi  katika  mchezo  huo  dhidi  ya  RB Leipzig, lakini  kocha huyo  raia  wa  Uswisi  alikiri  kwamba  matokeo  hayo ni  ya  juu mno  kuliko  mchezo  huo  ulivyokuwa.

Fussball Bundesliga - BVB Trainer Lucien Favre
Saison 2018/2019, 1.Bundesliga: BVB, Borussia Dortmund - Stade Rennes, Trainingslager, Testspiel, (picture alliance / augenklick/firo Sportphoto)

Kocha wa Borussia Dortmund Lucien Favre

"Kuna  mengi  ya  kuweka  sawa,"  amesema  Favre  baada  ya kukiangalia  kikosi  chake  kikichapwa  bao  la  haraka  sekunde 31 lakini  kilijibu  kwa  mabao  matatu  ya  haraka  haraka  katika  kipindi cha  kwanza  mbele  ya  mashabiki  80,000  katika  uwanja  wa  Signal Iduna Park  mjini Dortmund.

Makamu  bingwa  lakini  Schalke 04  ilikubali  kipigo  katika  mchezo huo  wa  kwanza  mbele  ya  VFL Wolfsburg  kwa  mabao  2-1  katika mchezo  ambao  ulikuwa  ni  wa  kasi  na  wa  vuta nikuvute. Frankfurt  ilipiga  hatua  moja  mbele  baada  ya  kuiangusha Freiburg  kwa mabao 2-0 , wakati  timu  mbili  zilizopanda  daraja Nuremburg  na  Dusseldorf zilikaribisha  kwa  vipigo , wakati Nuremburg  ikipokea  kipigo  cha  bao 1-0  dhidi  ya  Herha  Berlin , Dusseldorf ilitandikwa  mabao 2-0  na  Augsburg.

Fußball 1. Bundesliga | VfL Wolfsburg - FC Schalke 04 (1:0) (Getty Images/Bongarts/S. Sudheimer)

Wolfsburg ikipambana na Schalke 04 wakati mchezaji Sedar (kushoto) akipambana na Jerome Roussilon (kulia)

DW ilikuwapo  uwanjani  kushuhudia  mpambano  kati  ya  Wolfsburg na  Schalke , kama  anavyosimulia  Josephat Charo.

 

Mwandishi: Sekione  Kitojo / ape / afpe / rtre / dpae

Mhariri: Mohammed  Abdul Rahman