ALGIERS: Washukiwa wawili wa ugaidi wauwawa

Vyombo vya habari nchini Algeria vimeripoti hii leo kwamba wanajeshi wa Algeria jana waliwaua watu wawili walioshukiwa kuwa wanamgambo wa kiislamu mashariki mwa mji mkuu Algiers.

Inadaiwa washukiwa hao walikuwa wakisafiri ndani ya gari wakati waliposimamishwa kwenye kituo cha upekuzi kilichojengwa karibu na kambi ya jeshi la Algeria.

Duru zinasema mtuhumiwa mmoja aliuwawa papo hapo na mwengine akakimbia kabla kufukuzwa na kuuwawa.