Abbas na Mubarak kukutana. | Habari za Ulimwengu | DW | 27.01.2008
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Habari za Ulimwengu

Abbas na Mubarak kukutana.

Cairo.

Rais wa mamlaka ya Palestina Mahmoud Abbas anatarajiwa kukutana na rais wa Misr Hosni Mubarak siku ya Jumatano kujadili mzozo wa mpaka kati ya Misr na eneo la Gaza.

Wakati huo huo watu wanazidi kuvuka katika eneo hilo la mpaka lililobomolewa kutoka kila upande.

Wapalestina wamevunja hali ya kuzingirwa na Israel kwa kubomoa kwa mabomu kuta za mpaka mapema wiki hii ili kuweza kupata mahitaji kutoka Misr.

Israel imesema wiki hii kuwa hatua ya kuizingira Gaza ni muhimu ili kujaribu kuzuwia makombora yanayofyatuliwa kuelekea Israel kutoka Gaza, eneo ambalo linadhibitiwa na chama cha Hamas. Akizungumza kuhusiana na suala hilo , mjumbe kwa ajili ya mashariki ya kati waziri mkuu wa zamani wa Uingereza Tony Blair ameonya kuhusu hatari ya mzozo wa Gaza kwa hatua za kuleta amani katika mashariki ya kati na ametoa wito kupatikana mkakati mpya kwa ajili ya eneo hilo.

Sikiliza Matangazo Yetu

Unaweza kusikiliza matangazo yetu hapa

Kusikiliza matangazo ya Idhaa ya Kiswahili ya DW, tafadhali bonyeza alama ya spika ya masikioni hapo chini, na kuwasiliana nasi, tafadhali tuandikie moja kwa moja kupitia: kiswahili@dw.com