Vritet avokati mbrojtës i Sadam Huseinit - Vrasja e tretë gjatë procesit | Bota | DW | 21.06.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Vritet avokati mbrojtës i Sadam Huseinit - Vrasja e tretë gjatë procesit

Në Irak pak përpara pretencës së mbrojtjes në procesin kundër ish-diktatorit Sadam Husein, është vrarë avokati mbrojtës i tij. Avokati Shaim al-Obeidi është vrarë prej "terroristëve", njoftoi televizioni Al Irakija. Ky është i treti avokat që vritet qysh pas fillimit të procesit kundër Sadam Huseinit dhe shtatë funksionarëve të tjerë të regjimit të tij.

Avokatët mbrojtës të Sadam Huseinit në proces, në mes Shaim al-Obeidi

Avokatët mbrojtës të Sadam Huseinit në proces, në mes Shaim al-Obeidi

Sërish është vrarë një avokat mbrojtës në të ashtuquajturin procesi i Dudshailit, që zhvillohet kundër Sadam Huseinit dhe disa ish-funksionarëve të tjerë të regjimit të tij. Shaim al-Obeidi, që mbronte si Sadamin edhe vëllain e tij Barzan al-Tikriti, u vra në Bagdat, njofton televizioni irakian. Mbrojtësi kryesor Khalil al-Dulaimi, deklaroi, se kolegu i tij është rrëmbye rnga shtëpia prej njerëzve të veshur me uniformë policie dhe më vonë është vrarë. Isam Isam Gasavi, gjithashtu një avokat në ekipin e mbrojtësve të Sadam Huseinit, që vazhdon ta quajë klientin tij "president" i tha televizionit gjerman ARD në Aman: "Çdokush, që mbron vullnetarisht presidentin, duhet ta dijë qysh në fillim, se mund t avrasin."

Kjo s´është e vështirë të kuptohet, sepse al-Obeidi është i treti jurist që vritet në procesin që vazhdon. Nëntorin e kaluar persona të panjohur hapën zjarr ndaj dy avokatëve mbrojtës të të bashkëakuzuarve me Sadam Huseinin. Juristi Abdil Mohamed Abaz u vra, ndërsa jursiti tjetër u plagos dhe u largua nga Iraku. Në fund të tetorit vitin e kaluar - ishte vrarë edhe avokati Sadun Janabi. Ai pati të njëjtin fat si edhe kolegu i tij i vrarë të mërkurën(21.06.06). Edhe ai u rrëmbye nga zyra prej personave të panjohur dhe u gjet i vrarë në Bagdat. Autoritetet irakiane pretendonin më vonë, se i kishin ofruar mbrojtje atij, por Janabi e kish refuzuar atë.

Faktikisht avokatët mbrojtës qysh në ditët e para të procesit janë ankuar për masat e sigurisë. Ndër të tjera, sepse atyre për të hyrë në zonën e ashtuquajtur e gjelbër, pra zona e sigurisë s ëlartë, ku zhvillohet procesi u duhej të prisnin në radhë të gjata si të gjithë vizitorët e tjerë. Ndërkohë që antarët e tjerë të tribunalit hynin pa u diktuar në këtë zonë.

Disa avokatë, si dhe kryetari i ekipit të mbrojtjes al-Dulaimi janë transferuar në Aman, ndërkohë që avokati i vrarë al-Obeidi donte të qëndronte në Bagdat. I pyetur se çfarë do të bëjnë tani kolegët e tij pas vrasjes së tretë, nëse do të kërkojnë masa më të forta sigurie, avokati Isam Isam Gasavi thotë: "Jo, ne nuk do të lutemi, sepse ne na kanë kërcënuar hapur edhe në praninë të gjyqtarit dhe asnjë mas ës´është ndërmarrë. E vetmja gjë që ka bërë gjyqtari ishte nxjerrja nga salla e personit që na kërcënoi."

Sadam Huseini dhe të bashkëakuzuarit e tjerë duhet të japin llogari për masakrën e kryer pas një atentati ndaj diktatorit në qytezën Dudshail. Më 10 qershor do të mbahet pretenca e fundit e mbrojtjes, ndërsa prokurori e dha pretencën të hënën (19.06) duke këkruar dënimin me vdekje. Sadami duhet të përgjigjet edhe në procese të tjera për të tjera krime.

  • Data 21.06.2006
  • Autor Bjërn Blashke
  • Shtypni Shtypeni faqen
  • Permalink https://p.dw.com/p/ArLC
  • Data 21.06.2006
  • Autor Bjërn Blashke
  • Shtypni Shtypeni faqen
  • Permalink https://p.dw.com/p/ArLC
Reklamë