Turbullira të forta në Samara - nuk ka afrim në çështjet e diskutueshme në samitin BE/Rusi | Evropa | DW | 19.05.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Turbullira të forta në Samara - nuk ka afrim në çështjet e diskutueshme në samitin BE/Rusi

'Probleme të akumuluara' duhet të trajtoheshin në samitin Bashkimi Evropian - Rusi, pranoi kancelarja Angela Merkel në Samara.

Kancelarja gjermane Angela Merkel dhe presidenti rus Vladimir Putin gjatë takimit

Kancelarja gjermane Angela Merkel dhe presidenti rus Vladimir Putin gjatë takimit

Siç edhe pritej, ajo dhe presidenti Vladimir Putin nuk mundën të paraqisnin zgjidhje për to. Në vend të kësaj shkëmbimi verbal, publik lidhur me trajtimin e kritikëve tregoi se sa e tendosur është atmosfera midis Rusisë dhe Bashkimit Evropian.

Papritur në temë kryesore të takimit u kthye një tjetër. Gjatë një konference shtypi të karakterizuar nga një intensitet i pazakontë me sa duket u çlirua zemërimi i grumbulluar për deficitet e demokracisë ruse dhe për përjashtimin nga Moska të anëtares së Bashkimit Evropian, Polonisë. Merkel shprehu këtu 'shqetësimin' për pengimin e udhëheqësve të opozitës për të marrë pjesë në një demonstratë të planifikuar në qytetin buzë Vollgës. Një referim i drejtpërdrejtë për ndalimin në aeroportin e Moskës të udhëheqësit të opozitës, ish-kampionit të botës në shah Garri Kasparov, autorit Eduard Limonov, veprimtarit për të drejtat e njeriut Lev Ponomarjov dhe të kritikëve të tjerë të qeverisë.

Putin u përgjigj se nuk e shqetësojnë demonstratat në kuadër të ligjeve, por se masa parandaluese merren edhe në vende të tjera - duke nënkuptuar bastisjet kundër kundërshtarëve të G8-ës në Hamburg. Lidhur me këtë Merkel tha:

"Kam mirëkuptim të plotë për arrestimin e demonstruesve kur ata përdorin dhunë, kanë gurë apo armë. E drejta për demonstrin nuk do të thotë të vësh në pikëpyetje monopolin e shtetit për përdorimin e dhunës. Por kur nuk bën asgjë dhe je vetëm duke shkuar në një demonstratë, atëherë kjo për mua është diçka tjetër."

Putin reagoi emocionalisht ndaj pyetjeve lidhur me vrasjet e gazetares Anna Politkovskaja dhe ish-spiunit Alexander Litvinenko dhe sesi përputheshin këto me dëshirën për partneritet strategjik me Bashkimin Evropian. Ai tha se vrasjet janë çështje e drejtësisë dhe se partneriteti me SHBA nuk vihet nëpikëpyetje megjithëse atje ekzistojnë problemet e Guantanamos dhe të dënimit me vdekje.

  • Data 19.05.2007
  • Autor Horst Kläuser
  • Shtypni Shtypeni faqen
  • Permalink https://p.dw.com/p/Ar82
  • Data 19.05.2007
  • Autor Horst Kläuser
  • Shtypni Shtypeni faqen
  • Permalink https://p.dw.com/p/Ar82