Sukses për Prodin | Evropa | DW | 28.03.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Evropa

Sukses për Prodin

Senati italian voton me shumicë të qartë për vazhdimin e misioneve italiane jashtë vendi, ndër të tjera edhe në Afganistan

Romano Prodi duke mbajtur fjalim në parlament

Romano Prodi duke mbajtur fjalim në parlament

Romano Prodi kryeministri italian, pat dështuar në parlament në çështjen e misioneve jashtë vendi dhe prandaj pat ofruar në shkurt dorëheqjen. Të martën në parlamentin italian u votua për zgjatjen e misioneve jashtë vendi, ndër të tjera në Afganistan. Të martën në mbrëmje Prodi mori mbështetje dhe një kundërshtar i fortë mori goditje.

Lehtësim dhe duartrokitje tek senatorët e koalicionit të qëndrës së majtë, kur presidenti i senatit Franco Marini të martën në mbrëmje shpalli rezultatin. Me shumicë të qartë dhoma e dytë e parlamentit tha po-në për vazhdimin e misioneve italiane jashtë vendi, ndër të tjera edhe në Afganistan. Qeveria Prodi mund të marrë frymë lirisht, rreziku i një krize të re në Romë është kapërcyer. Muajin e kaluar kryeministri pat dështuar në parlament në çështjen e misioneve jashtë vendi dhe prandaj pat ofruar dorëheqjen. Që Romano Prodi këtë herë e kapërceu me lehtësi bllokadën dhe mori 20 vota më shumë nga c´ishin të nevojshme ia dedikon edhe kristiandemokrateve opozitarë UDC. Ata u larguan nga opozita e qendrës së djathtë, votuan me qeverinë dhe u distancuan nga aleati i deritanishëm Silvio Berlusconi.

Kryetari i kristiandemokratëve, Lorenzo Cesa thotë: "Nato i ka bërë apel Italisë, për t´i respektuar detyrimet. Edhe për këtë arsye votojmë me po. Na vjen keq, që ai, që i ka derguar trupat aty, kur ishte në qeveri do t´i terheqë tani."

Një shuplakë e fortë për Berlusconin nga ish aleatët e tij. Kryeministri i mëparshëm, i cili vetë nuk është vetë në senat, dëshi t´i krijonte vështirësi Prodit me votimin për misionet ushtarake. Tani ai është humbësi. Kristiandemokratët e bënë të qartë me votën e tyre të martën në mbremje, se nuk e njohin më Berlusconin si udheheqës të kampit të qëndres së djathtë. Thuhet gjoja se kryetari i fraksionit parlamentar të partisë së Berlusconit, Renato Schifani i ka bere thirrje senatoreve që të kundershtojnë aprovimin për politikën e jashtme të Prodit, nder të tjera duke iu refereuar metodave të diskutueshme që qeverisë në clirimin e reporterit të rrëmbyer Mastrogiacomo nga duart e talibanëve.

"Rrëmbimi i Mastrogiacomos e ka sjellë qeverinë në atë pikë, që të pranojë talibanët si bashkëbisedues. Qeveria Prodi i ka detyruar përgjegjësit në Kabul, të cileve do t´u ndihmojnë ushtarët tanë në Afganistan, që t´u perulen kerkesave të terroristeve talibanë dhe të lirojnë pesë prej tyre nga burgjet."

Ky qëndrim në zgjidhjen e aferës së pengjeve, thotë i besuari i Berlusconit, e ka dëmtuar prestigjin e Italisë në botë dhe i vë ushtarët italianë në misionet jashtë vendi menjëherë para rreziqeve më të mëdha. Ministri i jashtëm Massimo D´Alema nga ana tjetër mbron kursin e qeverisë. Kufizimi i kërkuar nga opozita, për të mos bërë tratativa me rrëmbyesit, do të që qytetarët italianë të ndodhen para rreziqeve. Mendoj se asnjë qeveri në botë nuk i lidh duart e veta në këtë mënyrë. Unë do të numëroja raste të pafundeta, në të cilat qeveritë e tjera kanë kanë ndermejtesuar për të shpetuar jetën e qytetareve të tyre.

Prodi i cili del i forcuar nga lufta për vazhdimin e misionit në Afganistan, e ka festuar suksesin në Brazil, ku ndodhet momentalisht për vizitë shteterore.Fitorja në senat ka një të metë për kryeminsitrin. sepse dy komuniste që kanë devijuar dhe një senator ekologjist hezituan t´i japin koalicionit të qëndres së majtë votën për misionin në Afganistan. Lajmi i mirë për Prodin: kristiandemokratët janë duke u shkëputur nga Berlusconi. Kryeministri në temat e komplikuara të politikës së jashmte fiton më shumë fushë veprimi.

  • Data 28.03.2007
  • Autor Jörg Seisselberg
  • Shtypni Shtypeni faqen
  • Permalink https://p.dw.com/p/Ar8T
  • Data 28.03.2007
  • Autor Jörg Seisselberg
  • Shtypni Shtypeni faqen
  • Permalink https://p.dw.com/p/Ar8T