Sindikata e makinistëve dhe shoqëria e hekurudhave ngulin këmbë në kërkesat e tyre

Në konfliktin për paga më të larta mes sindikatës së makinistëve dhe shoqërisë së hekurudhave në Gjermani të dyja palët janë treguar të vendosura të arrijnë kërkesat e tyre kryesore. Kryetari i sindikatës së makinistëve Manfred Shel tha se nuk pret një marrëveshje të shpejtë. Por një kthesë e rëndësishme në negociata nuk përjashtohet. Zv/kryetari i sindikatës së makinistëve Klaus Veselski kritikoi në një intervistë shefin e koncernit Deutsche Bahn i cili ka bërë publike detaje të ofertës së paraqitur në tryezën e negociatave. Një zëdhënës i shoqërisë së hekurudhave kishte deklaruar se koncerni u ofron makinistëve një rritje page prej 8 der 13 për qind. Nëse do të hartohet një tarifë e veçantë për pagat e makinistëve ajo duhet të lëvizë brenda kuadrit të tarifave egzistuese të shoqërisë së hekurudhave. Medie të tjera njoftuan se sindikata e konsideron të pamjaftueshme ofertën. Sot sindikata e makinistëve do të diskutojë mbi hapat e ardhshëm.