1. Kalo tek përmbajtja
  2. Kalo tek lista qendrore e navigimit
  3. Kalo tek më shumë oferta të DW

Shtyhet sërish premiera e filmit të ri të James Bondit

23 Janar 2021

Duke pritur “007”: premiera e filmit të ri të James Bondit “No time to die” u shty sërish si pasojë e pandemisë së koronavirusit.

https://p.dw.com/p/3oJIb
BdT Deutschland Bochum | Ausstellung James-Bond-Requisiten
Fotografi: Bernd Thissen/dpa/picture-alliance

Sipas producentëve të këtij filmi Michael G. Wilson und Barbara Broccoli "No time to die” është planifikuar që të shfaqet në kinematë e botës më 8 tetor të këtij viti - pra dy vite më vonë nga planifikimi fillestar.

Fillimisht premiera e filmit të 25-të Bondit u shty nga tetori 2019 në shkurt 2020 pas një ndryshimi të regjisorit.

UK James Bond 007 - Sag niemals nie |  Sean Connery
Aktori Sean ConneryFotografi: Bert Reisfeld/dpa/picture-alliance

Producentët nuk e përmendën shprehimisht si shkak të shtyrjes pandeminë e koronës dhe thanë se premiera e filmit po shtyhet në mënyrë që filmi të mund të shihet "nga audienca e kinemasë në mbarë botën". Por fakt është se për shkak të pandemisë, kinematë në shumë vende aktualisht janë të mbyllura ose punojnë me kapacitete të kufizuara.

Casino Royale Daniel Craig
Daniel Craig interpreton rolin e agjentit sekret britanik për herë të funditFotografi: Imago/Cinema Publishers Collection

Kjo do të jetë hera e fundit që aktori Daniel Craig do të interpretojë rolin e agjentit sekret britanik. Filmi i ri i James Bond nuk është filmi i vetmi artistik për të cilin adhuruesit duhet të presin më gjatë nga sa ishte planifikuar. Javën e kaluar u shtynë edhe datat e premierave për filmat e Hollywood-it "Wonder Woman 1984", "Top Gun Maverick", "Black Widow" dhe "The King's Man".