Shpërthim në Kosovë | Ballkani | DW | 03.04.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Shpërthim në Kosovë

Kryeministri i Kosovës Agim Çeku, tha sot se ndërmjetësi ndërkombëtar, Marti Ahtisari, nuk do ta ketë vështirë ta argumentojë propozimin e tij, për të ardhmen e Kosovës, meqë sipas tij argumentet janë në anën e këtij propozimi.

default

Zyrtarë të policisë ndërkombëtare, konfirmojnë se në veri të Kosovës, në Zubin Potok, persona të panjohur ka hedhur një mjet shpërthyes "koktel molotov", në një veturë të gjykatës së UNMIK-ut. Policia thotë se vetura është djegur ndërsa, nuk ka të lënduar nga radhët e personelit ndërkombëtar. Policia është duke zhvilluar hetimet dhe tash për tash nuk e di motivin e shpërthimit.

Shpërthimi i sotëm mbi veturën e administratës ndërkombëtare në Zubin Poton, vendbanim i banuar më shumicë serbe, pason disa shpërthime që ndodhën gjatë dy javëve të fundit në rajone të ndryshme të Kosovës. Autoritet në Kosovë, incidentet e tilla i kanë cilësuar të dëmshme për procesin nëpër të cilin po kalon Kosova. Numri një i NATO-os, Jaap de Hup Scheffer, gjatë një vizite që realizoi në Kosovë së bashku me 26 ambasadorët e vendeve anëtare të NATO-s tha se, të gjithë ata persona që mendojnë se nëpërmjet dhunës mund të arrijnë qëllimet e veta gabohen.

Ai tha se forcat paqeruajtëse do të përgjigjen me të gjitha mjetet e nevojshme për të parandaluar cfarëdo lloj, ndërsa, shprehu mbështetjen e aleancës veriatlantike për planin e ndërmjetësit ndërkombëtar Marti Ahtisari. Ndërmjetësi ndërkombëtar, sot, në KS-it do të raportojë për planin e tij. Kryemiistri i Kosovës Agim Çeku, u dekaroi mediave kosovare se Marti Ahtisari, nuk do ta ketë vështirë ta argumentojë propozimin e tij, për të ardhmën e Kosovës, meqë sipas tij, argumentet janë në anën e këtij propozimi.

Autoritet e Rusisë, më herët kanë kërkuar që të organizohet një mision faktmbledhës në Kosovë nga OKB-së, para se dokumenti i Ahtisarit të kalojë në KS-it. Ky propozim për kryeministrin Agim Çeku është i panevojshëm, për faktin që sipas tij, në Kosovë që nga përfundimi i luftës është e pranishme administrata ndërkombëtare dhe KS-it, vazhdimisht njoftohet nga UNMIK-u për zhvillimet në Kosovë.

  • Data 03.04.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArWv
  • Data 03.04.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArWv
Reklamë