Rusia dhe Estonia grinden për kufirin e përbashkët | FOKUS | DW | 28.06.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

Rusia dhe Estonia grinden për kufirin e përbashkët

Edhe 14 vjet pas pavarësisë së tyre marrëdhëniet midis tre shteteve baltike dhe Rusisë konsiderohen të ngarkuara. Një shembull për këto vështirësi është përcaktimi i vijës kufitare midis tre shteteve dhe fqinjit të tyre Rusisë. Prej vitesh ekzistojnë marrëveshje të negociuara lidhur me kufirin me Letoninë dhe Estoninë, hyrja në fuqi e të cilave megjithatë vonohet vazhdimisht. Derisa fillimisht qe Moska ajo që e vononte zgjidhjen për të ruajtur një mjet presioni ndaj shteteve baltike, së fundi normalizimin e kanë penguar kërkesat e nacionalistëve estonë e letonë. Së paku që prej 18 majit ka një marrëveshje të nënshkruar midis Estonisë dhe Rusisë; por tani pala ruse ndjehet e mashtruar prej partne

Pamje nga Talini

Pamje nga Talini

rëve të vet.

Më 18 maj ishin ende gjithë gaz e hare. Pas përpjekjesh dhjetëvjeçare Estonia dhe Rusia i kishin mbyllur më në fund negociatat mbi vijën kufitare midis dy vendeve dhe kishin nënshkruar marrëveshjen përkatëse. Të dy shtetet, 16 vjet më parë ende të bashkuara me detyrim në Bashkimin Sovjetik, janë të lidhur në një fqinjësi të ndërlikuar. Ndaj ky nuk është vetëm kufi midis dy vendeve, por njëkohësisht njëri prej kufijve më lindorë të Bashkimit Evropian, atje ndeshet kufiri i NATO-s me atë të BE-së.

Ndeshet: kjo e karakterizon edhe grindjen më të fundit midis Talinit dhe Moskës, e cila u shkallëzua me paraqitjen e zemëruar të ministrit të jashtëm rus Sergej Lavrov:

"Ne e tërheqim nënshkrimin nga kjo marrëveshje. Natyrisht që nuk bëhet më fjalë për ratifikim, pasi nuk ka më marrëveshje."

Nuk ka më marrëveshje? Çfarë kishte ndodhur? Parlamenti eston, në të cilin si edhe në shtete të tjera baltike ka shumë politikanë që vazhdojnë ta shohin me dyshim Rusinë, kishte shtuar shpejt në seancën e ratifikimit një preambul, e cila e zëmëron së tepërmi Kremlinin. Veçanërisht i habitur është Konstantin Kosaçovi, kryetari i komisionit të çështjeve të jashtme në dumën ruse:

"Siç doli, përfaqësuesit zyrtarë estonë nuk qenë në gjendje të parashikonin veprimet e parlamentit të tyre. Me sa duket parlamenti i ka vënë stërkëmbës politikës. Në këtë mënyrë ka humbur kuptimi i nënshkrimit mbi këtë dokument."

Opozita estone ishte përpjekur që në filim që ta lidhte miratimin e marrëveshjes për kufirin me vërejtje për pushtimin dhe shtypjen e Estonisë nga ana e Bashkimit Sovjetik; por Moska e pranoi marrëveshjen vetëm me kusht që vërejtje të tilla të mos bëheshin. Thjesht nga pikëpamja juridike parlamenti eston edhe iu përmbajt kësaj, por një një preambull fshehu vërejtjen në lidhje me shpalljen e pavarësisë në vitin 1991 dhe një plotësim të mëvonshëm. Dhe këtu thuhet se në vitin 1940 Estonia ra pre e agresionit të Bashkimit Sovjetik duke iu bashkuar në mënyrë të paligjshme federatës të republikave sovjetike.

Das wiederum missfiel Moskau so sehr, dass der Vertrag nun erst einmal wieder in den Sternen steht und zum Ende der Woche stattfindenden Feierlichkeiten zum 750. Geburtstag von Kaliningrad, also der einstigen Stadt Königsberg, weder ein Vertreter der baltischen Nachbarstaaten, noch aus Polen eingeladen wurde, das sich bekanntlich mit Russland ebenfalls in herzlicher Hassliebe verbunden fühlt.

Kjo nuk i pëlqeu aq shumë Moskës, saqë marrëveshja përsëri nuk është gjëkundi dhe në festimet e fundjavës për 750-përvjetorin e Kaliningradit, ish-qytetit të Königsbergut, nuk janë ftuar as përfaqësues nga shtetet baltike fqinje e as nga Polonia, e cila siç dihet është po në dashuri me urrejtje me Rusinë.

  • Data 28.06.2005
  • Autor Horst Kläuser
  • Shtypni Shtypeni faqen
  • Permalink https://p.dw.com/p/AqkF
  • Data 28.06.2005
  • Autor Horst Kläuser
  • Shtypni Shtypeni faqen
  • Permalink https://p.dw.com/p/AqkF