Rumsfeld kritikon qeverinë kineze për programin bërthamor | Bota | DW | 19.10.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Rumsfeld kritikon qeverinë kineze për programin bërthamor

Kina thotë se ka shpenzuar 30.2 miliardë dollarë në fushën e mbrojtjes. Por Pentagoni mendon se Kina ka shpenzuar këtë vit rreth 90 miliardë dollarë për sektorin ushtarak.

Ministri amerikan i mbrojtjes Donald Rumsfeld

Ministri amerikan i mbrojtjes Donald Rumsfeld

Gjatë vizitës së tij në Pekin ministri amerikan i mbrojtjes Donlad Rumsfeld u prit me nderime më të larta ushtarake. Pas takimit me homologun e tij kinez Cao, Rumsfeld theksoi se SHBA-s e përshëndesin rritjen e mirëqënies ekonomike të Kinës, por kjo rritje, tha ai duhet të ndodhë në mënyrë paqësore. Sipas Rumsfeld, Republika Popullore e Kinës po shpenzon shumë për buxhetin ushatarak:

"Shumë shtete kanë shprehur shqetëismin e tyre për shpejtësinë e ekspandimit ushtarak të vendit tuaj" - tha Rumsfeld.

Kështu u shpreh Rumsfeld në Pekin. Ai i bëri thirrje Kinës, që të tregohet më transparente përsa i përket sektorit ushtarak dhe tha përpara gazetarëve nga e mbarë bota, se dëshiron të dijë se pse qeveria kineze nuk tregon të vërtetën mbi buxhetin e saj ushtarak. Por sipas ministrit kinez të mbrojtjes, qeveria e tij ka shpenzuar gjatë këtij viti vetëm 30.2 miliardë dollarë për sektorin e mbrojtjes.

"Dua t´ju them fare hapur që kemi shpenzuar pikërisht këtë shumë për sektorin e mbrojtjes. Nuk kemi nevojë dhe asnjë mundësi për të gënjyer mbi këtë fakt" - tha Cao.

Por Pentagoni ka deklaruar se ka të dhëna se Kina ka shpenzuar 90 miliardë dollarë, pra tre herë më shumë se ç´deklaron qeveria kineze. Donald Rumsfeld vuri në dukje se transparenca mbi buxhetin ushtarak dhe në çështjet ekonomike, do ta ndihmojë hapjen e Kinës edhe në aspektin politik:

"Përparimi i shpejtë i Kinës sjell automatikisht pyetjen e drejtë të shumë shteteve, se çfarë qëllimesh ka kjo republikë" - tha Rumsfeld.

Sidoqoftë Rumsfeld shtoi se bisedimet me homolugn e tij Cao rezultuan mëse të frytshme dhe se marrëdhëniet amerikano-kineze konsiderohen nga pala amerikane si "komplekse" dhe "të komplikuara". Shkak për këtë janë diferencat mbi trajtimin e çështjes së të drejtave të njeriut në Kinë, debati mbi Tajvanin si edhe ndërhyrja e Kinës në debatin mbi programin bërthamor të Koresë së Veriut.

  • Data 19.10.2005
  • Autor Petra Aldenrath
  • Shtypni Shtypeni faqen
  • Permalink https://p.dw.com/p/ArNi
  • Data 19.10.2005
  • Autor Petra Aldenrath
  • Shtypni Shtypeni faqen
  • Permalink https://p.dw.com/p/ArNi
Reklamë