Rritet numri i viktimave në Bombej | Politika | DW | 12.07.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Politika

Rritet numri i viktimave në Bombej

Një ditë pas serisë së përgjakshme të atentateve në metropolin indian të financave Bombrj, forcat e sigurisë po kërkojnë ende përgjegjësit për këto sulme. Terroristët aktivuan disa bomba njëherazi gjatë mbrëmjes, në kohën e trafikut më të dendur në qytet. Policia flet tani mbi 190 njerëz të vdekur dhe të paktën 600 të plagosur

Sulme seri në Bombej

Sulme seri në Bombej

Deri tani nuk e ka marrë dikush përgjegjësinë për këto sulme. Qeveria indiane dyshon se pas tyre fshihet një organizatë terroriste nga Kashmiri, si edhe lëvizja e ndaluar e studentëve të Indisë.

Eksperti indian për sigurinë Bahukutumbi Raman, është i mendimit se atentatorët janë motivuar nga ideologjia e Al Kaidës, ndonëse Al Kaida nuk dyshohet ta ketë kryer këtë aksion: "Al Kaida ka filluar një fushatë kundër Indisë, që prej vizitës së fundit të presidentit amerikan Bush në indi, në mars të këtij viti. Në prill, Osama Bin Laden e paralajmëroi botën islamike se hindutë, të krishterët dhe hebrejtë do t´i luftojnë myslimanët. Ka gjasa që atentatorët të jenë inspiruar nga Al Kaida."

BE-ja i kritikoi sulmet e dhunshme në Bombay me tonet më të ashpëra. Presidenti finlandez i rradhës i BE-së, tha se nuk mund të ketë asnjë justifikim për vdekjen e qindra civilistëve të pafajshëm. Në metropolin me 17 milionë banorë si edhe në qytete të tjera të mëdha indiane, janë ashpërsuar masat e sigurisë në mënyrë masive. Gjatë dhjetë viteve të fundit, Bombay është bërë shpesh pre e sulmeve terroriste. Në vitin 1993, po gjatë disa atentatesh, humbën jetën mbi 250 njerëz.

  • Data 12.07.2006
  • Autor S.H
  • Shtypni Shtypeni faqen
  • Permalink https://p.dw.com/p/AqpE
  • Data 12.07.2006
  • Autor S.H
  • Shtypni Shtypeni faqen
  • Permalink https://p.dw.com/p/AqpE