Rreth 100 mijë njerëz përkujtojnë Papa Gjon Palin e II-të | Bota | DW | 03.04.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Bota

Rreth 100 mijë njerëz përkujtojnë Papa Gjon Palin e II-të

Papa Gjon Pali i II me origjinë polake, vdiq më 2 prill të vitit të kaluar. Shumë prej të pranishmëve shfaqën shpresën që Papa së shpejti do të shpallet i shenjtë

Papa i ndjerë, Gjon Pali i II-të

Papa i ndjerë, Gjon Pali i II-të

Flamuj polak me ngjyra bardhë e kuq, shumë të tjerë me mbishkrimin e lëvizjes sindikaliste polake 'Solidarnost', por edhe flamuj të shteteve tjera valonin mbi kokat e besimtarëve të tubuar në Romë. Benedikti i XVI-të, në orën 21 e 37 minuta ju drejtua besimtarëve. Ka kaluar një vit nga vdekja e Papa Gjon Palit të II-të, tha Papa Benedikti, por sot po shihet se: "Ai është ende i pranishëm në shpirtin tonë, në zemrat tona. Edhe më tej ai ndan dashurinë e tij për Zotin me ne por edhe dashurinë e tij për njerëzit. Ai ngjall tek ne, dhe para së gjithash tek të rinjtë, entuziazmin për të mirën dhe guximin për të pasuar Jezu Krishtin dhe mësimet e tij", tha Papa Benedikti i XVI-të.

Vetë Papa Gjon Pali i II-të pat thënë se vuajtja është në këtë botë për të liruar dashuri dhe njerëzimin ta kthejë në civilizim të dashurisë: "Sëmundja e tij, me të cilën ai u ballafaqua me guxim, u tërhoqi vëmendjen të gjithëve për dhembjen njerëzore, kësaj sëmundje qoftë trupore apo shpirtërore dhe i dha vuajtjes dinjitet dhe vlerë", tha Papa Benedikti i XVI-të.

Presidenti i Italisë, Karlo Çampi vizitoi dhe u lut dje së bashku me bashkëshorten pranë varrit të Papa Gjon Palit të II-të. Sot pasdite Papa Benedikti i XVI-të do të mbajë një meshë për paraadhësin e tij. Në të pritet të marrin pjesë sërish të paktën 100 mijë besimtarë nga Italia, Polonia dhe shumë vende të tjera të botës.

  • Data 03.04.2006
  • Autor Gregor Hoppe
  • Shtypni Shtypeni faqen
  • Permalink https://p.dw.com/p/ArLy
  • Data 03.04.2006
  • Autor Gregor Hoppe
  • Shtypni Shtypeni faqen
  • Permalink https://p.dw.com/p/ArLy
Reklamë