Publikohen rezultatet e para paraprake të zgjedhjeve nga KQZ-ja | FOKUS | DW | 04.07.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

Publikohen rezultatet e para paraprake të zgjedhjeve nga KQZ-ja

Rezultatet e publikuara sot paradite nga KQZ-ja në Tiranë si në maxhoritar ashtu edhe në proporcional në një pjesë të zonave elektorale, flasin për kryesinë në përqindje të koalicionit opozitar. Sipas Elton Sinanit, zëdhënës i KQZ-së, në 248 zona Partia Republikane ka fituar në proporcional 19% të votave. Në vend të dytë është Partia Socialiste me 11,8% e ndjekur nga Partia Demokratike me 11,2%. Në vend të katërt mbetet Lëvizja Socialiste për Integrim me 7,8% të votave.

Por edhe në maxhoritar sipas të dhënave të KQZ-së, të publikuara gjatë paradites, kryeson opozita. Kështu në 61 zona elektorale Partia Demokratike ka fituar 41 dhe Partia Socialiste 20.

Lideri i PD-së Sali Berisha, i konsideroi këto rezultate paraprake si një fitore të sigurt të koalicionit opozitar në të gjithë vendin. Ai tha se shqiptarët votuan kundër krimit të organizuar dhe korrupsionit dhe falenderoi presidentin e Republikës Alfred Moisiu që siguroi një proces zgjedhor të lirë dhe të ndershëm.

  • Data 04.07.2005
  • Autor Ani Ruci
  • Shtypni Shtypeni faqen
  • Permalink https://p.dw.com/p/Aqk8
  • Data 04.07.2005
  • Autor Ani Ruci
  • Shtypni Shtypeni faqen
  • Permalink https://p.dw.com/p/Aqk8