Prishtina pranon dokumentin e plotësuar të Marti Ahtisarit | Ballkani | DW | 08.03.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Ballkani

Prishtina pranon dokumentin e plotësuar të Marti Ahtisarit

Udhëheqësit e institucioneve të Kosovës janë shprehur se ndryshimet e bëra në pakon e ndërmjetësit, Marti Ahtisari nuk e prekin esencën e dokumentit të prezantuar më 2 shkurt në Prishtinë

Grupi negociator

Grupi negociator

Grupi negociator i Kosovës po analizon në hollësi dokumentin e plotësuar për zgjidhjen e statusit të Kosovës të ndërmjetësit ndërkombëtar, Marti Ahtisari. Udhëheqësit kosovar, kanë vetëm tri ditë kohë, për ta analizuar dokumentin dhe me 10 mars në takim me autoritet e Beogradit dhe bashkësinë ndërkombëtare të japin qëndrimin e tyre përfundimtar. Presidenti i Kosovës, Fatmir Sejdiu, thotë se pas leximit të parë tw dokumentit kishte një përshtypje të mirë, ngase ndryshimet e bëra sipas tij, janë pozitive.

Edhe udhëheqësi i partisë më të madhe opozitare, Hashim Thaçi, anëtar i grupit negociator, thotë se ndryshimet në pakon e Ahtisarit, janë konstruktive, ndërsa, Kosova sipas tij, është unike dhe e përgatitur që të tejkalojë edhe këtë sfidë.

Grupi negociator i Kosovës, sot, pasdite do të takohet për të analizuar dokumetin dhe do të dalë me një qëndrim unik lidhur me dokumentin final të Marti Ahtisaarit. Të premten po ky delegacion i prirë nga presidenti Fatmir Sejdiu, niset për në Vjenë, ku të shtunën, më 10 mars, do të marrë pjesë në takimin e nivelit më të lartë politik të thirrur nga Ahtisari, e ku do të jetë dhe delegacioni i lartë i Serbisë.

  • Data 08.03.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArXr
  • Data 08.03.2007
  • Autor Bekim Shehu
  • Shtypni Shtypeni faqen
  • Permalink https://p.dw.com/p/ArXr
Reklamë