Petersen sjell në Kosovë mesazhet nga Grupi i Kontaktit | FOKUS | DW | 10.11.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

FOKUS

Petersen sjell në Kosovë mesazhet nga Grupi i Kontaktit

Rugova vlerëson si korrekte pesë parimet bazë të Grupit të Kontaktit për zgjidhjen e statusit të Kosovës.

Søren Jessen Petersen kthehet nga Nju Jorku

Søren Jessen Petersen kthehet nga Nju Jorku

Presidenti i Kosovës, Ibrahim Rugova, i cili është kryesues i grupit negociator të Kosovës, i ka cilësuar korrekte parimet bazë të Grupit të Kontaktit, mbi të cilat do të zhvillohet procesi i përcaktimit të statusit të Kosovës, ndërsa, si pozitive ka vlerësuar edhe qëndrimet e mëhershme të këtij mekanizmi ndërkombëtar për Kosovën. Këtë qëndrim presidenti Rugova, e bëri sot, pas një takimi që zhvilloi me kryeadministratorin e Kosovës, Soren Jesen-Petersen, i cili sapo është kthyer nga udhëtimi i tij në SHBA-së.

Zgjidhja statusit përmes bisedimeve

Grupi i Kontaktit për Kosovën u ka dërguar sekretarit të përgjithshëm të Kombeve të Bashkuara, Kofi Anan, Këshillit të Sigurimit, Bashkimit Evropian dhe zyrtarëve në Prishtinë e Beograd pesë parimet bazë për zgjidhjen e statusit të Kosovës. Emëruesi i përbashkët i këtyre parimeve është se përparësi e bashkësisë ndërkombëtare do të jetë zgjidhja për Kosovën e arritur përmes bisedimeve.

Në këtë linjë presidenti i Kosovës, Ibrahim Rugova, tha se Grupi Negociator i Kosovës është duke vazhduar punën e tij në mënyrë që me zyrtarizimin e fillimit të bisedimeve për statusin e Kosovës, pala kosovare të jetë gati për tu future në këtë proces. Mirëpo, megjikëtë gatishmëri, presidenti Rugova, vazhdon të kërkojë njohjen e drejpërdrejt të pavarësisë së Kosovës.

Petersen takohet me grupin negociator

Kryeadminisratori i Kosovës, Soren Jesen-Petersen, do të takojë po sot të gjithë anëtarët e grupit negociator të Kosovës për tu përcjellë nga dora e parë mesazhin e Grupit të Kontaktit dhe për të kërkuar unitet në radhët e grupit të Kosovës. Takimi i fundit i këtij grupit ishte pak më i relaksuar. Nuk u shënuan shumë mospajtime krahasuar me takimet e shkuara, ndërsa, ata formuan një grup politik ku do të përfaqësohen të gjitha subjektet kryesore politike. Ky grup u autorizua që të hartojë menjëherë platformën politike për Kosovën, për shtet të pavarur dhe sovran.

  • Data 10.11.2005
  • Autor Bekim Shehu
  • Shtypni Shtypeni faqen
  • Permalink https://p.dw.com/p/Aqho
  • Data 10.11.2005
  • Autor Bekim Shehu
  • Shtypni Shtypeni faqen
  • Permalink https://p.dw.com/p/Aqho