Përpjekjet për lirimin e të rrëmbyerve Krobog në Jemen | Gjermania | DW | 30.12.2005
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Përpjekjet për lirimin e të rrëmbyerve Krobog në Jemen

Të mërkurën (28.12) Jyrgen Krobog, ish-sekretar shteti në ministrinë e jashtme u rrëmbye në Jemen bashkë me gruan dhe tre djemtë e rritur. Qysh nga ajo ditë një shtab krize i krijuar në Berlin po përpiqet intensivisht për lirimin e të rrëmbyerve.

Jyrgen Krobog, ish-sekretar shteti i rrëmbyer në Jemen

Jyrgen Krobog, ish-sekretar shteti i rrëmbyer në Jemen

"Ne shpresojmë, që deri të shtunën në mbrëmje do të arrijmë në një zgjidhje", kështu deklaroi zëdhënësi i ministrisë së jashtme mbi gjendjen e bisedimeve në Jemen. Të premten në mëngjes ambasadori gjerman në Sana është takuar me ministrin e brendshëm të Jemenit. Përveç kësaj ministri i jashtëm Frank-Valter Shtajnmajer, i cili ndërpreu edhe pushimet e marra me ratsin e krishtlindjeve, sërish ka telefonuar me homologun e tij në Jemen.

"Gjatë kësaj telefonate ministri i jashtëm ka kërkuar me instistim që të arrihet sa më shpejt në një zgjidhje nëpërmjet bisedimeve. Ai ka theksuar gjithashtu, se kanë prioritet absolut jeta dhe pacënueshmëria e pengjeve." Qeveria e Jemenit ka siguruar qeverinë gjermane për një zgjidhje pa dhunë, vuri në dukje zëdhënësi i ministrisë së jashtme, Jeger. Ai bëri të qartë, se qeveria do të shfrytëzojë të gjitha kontaktet e mundshme, deri tek presidenti i Jemenit. Megjithatë zëdhënësi Jeger nuk u shpreh, nëse ka të dhëna se kur mund të lirohet familja Krobog: "Ajo për të cilën kemi nevojë tani është durimi, nervat dhe koha."

Ndërkaq jo fort shpresëdhënëse janë njoftimet e shtypit nga Jemeni lidhur me fundin e pengmarrjes. Sipas ministrisë së jashtme pengmarrësit instrumentalizojnë shtypin e Jemenit, ndaj këto njoftime duhet të shqyrtohen me kujdes. Ish-sekretari i shtetit Jyrgen Krobog, gruaja e tij dhe tre djemtë qysh nga e mëërkura (28.12) janë rrëmbyer nga një klan, që kërkon lirimin e antarëve të fisit që ndodhen në burg.


  • Data 30.12.2005
  • Autor Nina Verkheuzer
  • Shtypni Shtypeni faqen
  • Permalink https://p.dw.com/p/Ar1s
  • Data 30.12.2005
  • Autor Nina Verkheuzer
  • Shtypni Shtypeni faqen
  • Permalink https://p.dw.com/p/Ar1s