Përkujtim për hir të së vërtetës | Gjermania | DW | 02.09.2006
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Gjermania

Përkujtim për hir të së vërtetës

Në "Ditën e vendlindjes" Lidhja gjermane e të Dëbuarve përkujton shpërnguljet e dhunshme dhe fatin e hidhur të miliona gjermanëve të dëbuar prej vatrave të tyre në vendet e Evropës Lindore. Njëkohësisht në këtë ditë përkujtohen edhe dëbimet e bëra prej nazistëve, të cilat u bënë shkak për dëbimet e mëtejshme të gjermanëve. Në festimet e sivjetshme ishte i pranishëm edhe presidenti gjerman Horst Këhler.

Gjermanë të dëbuar

Gjermanë të dëbuar

Megjithë punën për pajtimin që është bërë që pas Luftës së II botërore dhe deklaratave të qeverisë gjermane, se i konsideron si të paprekshme kufijtë dhe marrëdhëniet e pronësisë, në formën që e përcaktuara pas Luftës së II Botërore, përmendja e fatit të të dëbuarve shkakton mosbesim tek fqinjët lindorë të Gjermanisë, sidomos në Poloni. Qëllimi i presidentit gjerman në fjalimin e tij në Ditën e të dëbuarve ishte pikërisht që t'i fshinte këto dyshime dhe mosbesime. Familja e presidentit gjerman e ka pësuar vetë në kurriz këtë fat. sepse edhe familja e tij u detyrua të largohej prej Polonisë në vitin 1944. Presidenti gjerman tha se historia e të dëbuarve bën pjesë në identitetin gjerman, dhe se duhet përkujtuar në mënyrë të dukshme, por se nuk duhen harruar as preokupimet e fqinjëve.

"Ne duhet të ndërmjetësojmë me durim, se në Gjermani nuk ka forca të tilla që duhen marrë seriozisht, të cilat dëshirojnë ta rishkruajnë historinë duke e ndryshuar atë. Unë nuk shoh përpjekje të tilla dhe një gjë të tillë ne duhet ta themi qartë. Nuk ka asnjë dyshim, që shkaku që shkaktoi valët e refugjatëve dhe dëbimet ishte regjimi nazist dhe Lufta e II Botërore që filloi Gjermania."

E rëndësishme është, theksoi ai që sot t'i pengojmë padrejtësitë dhe dëbimet e njerëzve, si p.sh. në ish-Jugosllavi, Afrikë apo Timorin Lindor.

Presidentja e Lidhjes gjermane e të Dëbuarve, Erika Shtainbah, shfytëzoi rastin për të kërkuar edhe një herë ngritjen e një qendre kundër dëbimeve. ajo ka vite që angazhohet për ngritjen e një qendre të tillë në mes të Berlinit, megjithë kritikat nga vendet fqinje. Sidomos polakët kanë shumë frikë se gjermanët mund ta harrojnë fajin e tyre historik.

Shtainbah i hodhi poshtë kritikat e palës polake duke thënë që fati i të dëbuarve nuk duhet të bjerë në harresë: "Të gjithë popujt e botës duhet të kenë të drejtë që të flasin për vuajtjet që kanë përjetuar që të përkujtojnë viktimat. Një gjë e tillë duhet të vlejë dhe për Gjermaninë, aq më tepër që puna përkujtimore është baza për një vështrim përpara pozitiv dhe të aftë për dialog. Kush e mbyll këtë rrugë, shitohet".

  • Data 02.09.2006
  • Autor Monika Dietrich
  • Shtypni Shtypeni faqen
  • Permalink https://p.dw.com/p/Aqzb
  • Data 02.09.2006
  • Autor Monika Dietrich
  • Shtypni Shtypeni faqen
  • Permalink https://p.dw.com/p/Aqzb